Publicado en Día de...

Día Européu de la Solidaridá y Cooperación ente Xeneraciones

El 29 d’abril celebra’l Día Européu de la Solidaridá y la Cooperación ente Xeneraciones, xuna fecha que s’instauró a partir del añu 2009 gracies a organizaciones como la Plataforma Europea de Persones Mayores y l´European Youth Forum.

L’oxetivu de celebrar esti día, ye dexar la inclusión y participación de les persones mayores por que brinden la so contribución a la sociedá actual y collo contribuyir a una mayor solidaridá interxeneracional.

La convivencia interxeneracional como una manera d’incluyir a les persones mayores ye la política adoptada per dellos países del norte d’Europa, onde se busca una mayor convivencia ente la mocedá y les persones de mayor edá. Búscase que dambes xeneraciones puedan retroalimentase y dar lo meyor de caúna d’elles.

Anguaño, vivimos nun mundu bien aceleráu. Les nueves tecnoloxíes dexaron tras munches de les costumes y tradiciones heredaes de los que d’antiguo teníen la sabiduría y que lamentablemente güei déxense de llau. Sicasí, inda nun ye tarde pa rescatar el valor que tien pa la sociedá la sapiencia de los adultos mayores.
Beneficios de la convivencia ente xeneraciones

La convivencia interxeneracional puede traer grandes beneficios a les persones de mayor edá, ente los que destaquen:

Ayuda a que les persones espierten un sentíu de pertenencia ya inclusión.
Amonta’l bienestar físico, psicolóxicu y emocional.
Aumenta la so autoestima y les sos ganes de siguir esfrutando’l prestar de la vida.
Amonta’l deséu y la motivación por aprender coses nueves.
Contribúi a un mayor dinamismu ya integración na vida social.
Optimiza los sos potenciales y habilidaes personales.
Contribúi a tresmitir toles sos esperiencies y conocencies a les nueves xeneraciones.

El papel de la Organización Mundial de la Salú na integración de les persones mayores. D’alcuerdu a la Organización Mundial de la Salú, precísase reivindicar el rol de les persones mayores dientro de la sociedá. El fechu de llegar a una cierta edá, nun significa’l fin de la esistencia nin el valor de los seres humanos, una y bones la clave del avieyamientu ta en poder siguir desempeñando un rol participativu y de esta forma poder algamar un maduror dignu e incluyente.

Nesti sentíu, precísase que se creen les condiciones por que estes persones puedan siguir actives, pudiendo desempeñar múltiples actividaes culturales, recreatives, sociales y que les mesmes afáiganse a les sos capacidaes ya intereses.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *