- Fonte: Aragón Digital /https://plurilingu.es/
Esplicar les distintes llingües que conviven n’España al traviés d’actividaes y exercicios que busquen averar a los neños castellanofalantes la riqueza que suponen n’España. Ese ye l’oxetivu de PlurilingüES, un nuevu proyectu educativu, que cuntó col patrociniu del Ministeriu de Cultura y Deporte.
El director xeneral de Política Llingüística, José Ignacio López Susí, qu’asistió a la presentación del proyectu, declaró que, “los materiales fueron ellaboraos por técnicos de toles comunidaes con llingües propies para esplicar la riqueza que supon el plurillingüismu n’España”, so la coordinación de la doctora en Didáctica de la Llingua y Lliteratura, Iris Orosia Campos Bandrés.
Al traviés de seis cuaderninos, de distintos ciclos educativos, esplíquense les distintes llingües que conviven n’España al traviés d’actividaes y exercicios que busquen averar a los neños castellanofalantes, que tienen menos contactu cola diversidá llingüística, la riqueza que suponen n’España.
Amás, el proyectu sofitase n’una páxina web que, amás de los seis propuestes, cuenta colos distintos recursos audiovisuales que se citen nelles y la xustificación curricular de la propuesta, empobinada al personal docente.
L’actu cuntó amás cola participación de los alumnos de 5º de Primaria del CEIP Tenerías, que cola ayuda de les sos profesores realizaron actividaes para conocer la diversidá llingüística d’España.
