Publicado en Alimentos, Festival gastronómicu

50º Festival de l’Ablana n’Infiestu

/

Los díes 1, 2 y 3 d’ochobre, celébrase n’Infiestu el 50º Festival de l’Ablana, un eventu que se caltien nel calendariu festivu comarcal de forma impertérrita.

Anguaño algama’l mediu sieglu de vida, un aniversariu que se va conmemorar col estrenu d’un documental sobro los cincuenta años de festival.

Nesa mesma xornada celebrará l’homenaxe a la paisana y paisanu del añu, Fermina de Riofabar y Román del Tejedal, “dos persones que tola vida vinieron al festival a vender el so productu y que son un pocu la representación de toa esa xente que tantu trabayó estos años pa sacar alantre’l festival”, esplicó l’alcalde Iván Allende.

L’Ablanera, ye l’absoluta protagonista agora de los xardinos gracies al pedestal diseñáu por Estudiu Asturies

El sábadu 2 d’ochobre reinaugurose’l Monumentu de L’Ablanera, escultura qu’en 1991 allugase nos xardinos d’Obra Pía y que col pasu de los años foise quedando nel olvidu. El mesmu sábadu celebrose la Ufrienda a la Virxe de La Cueva. Los encargaos de cumplir con esti papel van ser dos neños del conceyu, Marcu y Adriana.

Y el domingu 3, na Plaza del Ganáu,  celebrase’l festival puramente dichu con alredor de 60 cosecheros y unos 2.500 quilos d’ablana a la vienta a un preciu de 7 euros.

Hilda Blanco, ganadora del Festival pola calidá de les sos ablanes.

NOTA:

Hilda Blancu Fresnu, de Los Cuetos (Piloña) llevóse anguaño’l primer premiu nel apartáu de la Calidá de los frutos. Otra muyer, Isolina Lobeto, d’El Pedrosu, recoyó tamién el primer premiu nel apartáu del Caltenimientu de los plantíos.

Anguaño tamién se recupera la esposición d’alimentación y artesanía. Na entrega de premios rindirá homenaxe a l’Agrupación de Protección Civil del conceyu de Piloña, “xuna de les mas veteranes d’Asturies qu’a lo llargo de les sos 25 años d’esistencia desempeñó xuna llabor bien importante”.

Nel apartáu musical, el vienres hebo un conciertu de Candela Alvarez «Apariencias» y el domingu celebrará’l V Alcuentru de Bandes de Gaites de L’Ablana. Nel programa de l’ablana tamién va haber bolos y teatru.

/

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *