Güei, en Lo d’Évole, Rodrigo Cuevas da a conocer la nueva vida del folclore n’Asturies con Jordi Évole.
Modernidá, tradición, folclore y cultura dan la mano na música de Rodrigo Cuevas. L’artista cavilga na so entrevista con Jordi Évole sobro los tipos de masculinidá, la vida rural y el bullying que sufrió cuando yera neñu.
- Rodrigo Cuevas: wiki / web / semeyes /
- Manual de Cortejo / #LoDeRodrigoCuevas.
- La Benéfica: web / semeyes
- Noticies: El Comercio / VER PROGRAMA
La guapura qu’escuende la cultura d’un pueblu ta nel so folclore.
La tradición, ye una vía d’espresión común a tolos seres humanos.
El folclore ye un ser vivu que s’estiende por tola cara de la tierra,
como un miceliu, nun entiende de barreres físiques nin polítiques.
Protagonizó’l programa ‘Lo de Évole’ de laSexta, que se centró no rural y el folclor.
Jordi Évole entrevistó a Rodrigo Cuevas pal so programa d’esti domingu, que se emitió n’horariu d’audiencia máxima (21.30 hores). El comunicador catalán conversó col cantante na so casa de Piloña, conoció les obres del proyeutu de La Benéfica y vivió una nueche de sidra, cantares y bailles asturianos nun chigre.
Lo rural y el folclor centró gran parte del espaciu, onde l’uvieín tamién falo de la so infancia, de masculinidaes, llibertaes, rellaciones con vecinos y mayores y de lo tradicional, ente otros munchos temes. Nun se faló del asturianu, que sí se pudo sentir en delles intervenciones, ente elles la de Xosé Antón Fernández ‘Ambás’, o na interpretación d’un cachu del yá incónicu tema ‘Rambalín’.
Pue ver el programa completu nesti enllaz.
Músicu, showman, artista total, animal escénicu y axitador folclóricu: asina ye como se define Rodrigo Cuevas, unu de los últimos iconos de la escena musical española. Como yá fixeren Rosalía o C Tangana, l’asturianu encontió la so carrera na reinterpretación y actualización de la música tradicional, que llogró llevar a escenarios de too el mundu (París, Miami o Dubai).
El trabayu que-y dio la fama foi Manual de Cortexu (2019), unu de los discos de la pandemia y que grabó xuntu al Raül Fernández «Refree», productor tamién de Rosalía o Amaia. Nél versionaba coples, fandangos, muñeires o xiringüelus. Los sos conciertos son espectáculos totales que combinen performance, cabaré o música electrónica con folk, amás d’una prevocación siempres intelixente que conquistó tantu a hipsters como a señores con ganes de *verbena. «El folclor ponnos a toos nel mesmu sitiu».
Vida rural vs vida urbana
La so revolución ye tamién la de la vida llueñe de la gran ciudá. La de la España balerada que s’aguanta a sumir. Vive n’una pequena aldega asturiana: de tan solo 13 habitantes, Caperea ta nel conceyu de Piloña, ellí onde los picos d’Europa yá nun espunten y nun pasen nin los pelegrinos. Vive col so noviu, dos burros, delles pites y un perru. Y con los sos vecinos, porque como él diz, nun pueblu asina’l to vecinderu ye como parte de la familia o como compañeros de pisu, la intimidá nun esiste.
Jordi Évole pasa trés díes en casa de Rodrigo, compartiendo con él les xeres del campu, la convivencia colos vecinos o’l nuevu proyectu nel que ta implicáu: la recuperación de La Benéfica, un antiguu teatru que Cueves pretende reabrir en Piloña por que la xente tenga una razón más para quedase nel rural. Y ye que como diz nel programa, l’ociu ye tamién un factor de cohesión social.
