- Fonte noticia: El Tiempu n’Asturies Facebook
Bonos díes, bona xente.
Alborecemos col cielu cubiertu y xarabatos que son más abondosos na fastera surocidental y na costa con unes temperatures que tan alrodiu de los 6ºC, rexistrándose nel puirtu Payares -3,6ºC onde ta nevando y se fae obligatoriu l’usu de cadenes o neumáticos d’iviernu como na prautica totalidá de los puertos de la metá ocidental d’Asturies, tando pesllaos Lleitariegos y el Connio.
Güei vamos tener xarabatos de calter moderáu que puen venir acompangaos de truena y xarazu nel llitoral y fastera central, onde sedrán más abondosos, amás les temperatures van descender bultablemente y la cota de nieve rondará los 500m. L’aire del oeste-noroeste pue soplar con raches mui fuertes en zones altes ya en puntos del llitoral dexándonos mui mala mar nel Cantábricu.
El prósimu riscar y durante tol día de mañana xueves seguiremos con precipitaciones que puen ser abondoses y persistentes sobre too na fastera oriental d’Asturies con unes temperatures n’ascensu, asina como de la cota de nieve que práuticamente al mediudía desaparecerá de toa Asturies, situación que va estendese hasta la mañana del vienres cuando entamarán a remitir, desapareciendo pela tarde.
El sábadu entovía pue cayer dalguna gotera a primeres hores pero con tendencia a abrise dellos claros y quedar escampláu al escurecer, pa dexanos un domingo soleyeru y afayaizu.
Yá sabéis, güei muncho precuru cola nieve y mañana col agua y les posibles inundaciones que nun seya por nun avisar.
