Publicado en Cuentos

Programa de cuentacuentos n’asturianu nos colexos de Mieres

El Conceyu de Mieres busca fomentar l’usu del asturianu na escuela. Con esti propósitu, la conceyalía d’Educación que dirixe Belén Alonso anunció ayeri la puesta marcha d’un programa de cuentacuentos n’asturianu nos colexos del conceyu.

La iniciativa lleva por títulu “Un avientu… con munchu cuentu”. Pretende averar l’asturianu al alumnáu al traviés d’espectáculos empobinaos a Infantil o primeros cursos de Primaria. “Dende la conceyalía ufiertóse esta iniciativa a los colexos, que respondieron de forma bien positiva a la mesma, polo que dende’l día 9 hasta’l 17 d’avientu van realizase 18 sesiones de cuentacuentos nos distintos centros”, señalaron ayeri los voceros municipales. Los espectáculos van correr al cargu d’Andrea Llobu (“Los fechizocuentos de la bruxa Lloba”), Carlos Alba (“Piquicuentos” y “Contábenmelo en casa”) y Ana Morán (“Achiperres”).

  • Andrea Lobo. “Los fechizocuentos de la bruxa Lloba”.
  • Carlos Alba. “Piquicuentos” y “Contábenmelo en casa”.
  • Ana Morán. “Cachivaches”.

Dende la conceyalía destácase la importancia de poder desarrollar iniciatives de promoción del asturianu nes aules y agradez la respuesta positiva de los centros, que van disfrutar d’estos cuentacuentos y espectáculos prestosos y entreteníos pa neninos y nenines, y infórmase que se trabaya ya en nuevos proyectos colos colexos pa siguir promoviendo la cultura y la llingua asturiana.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *