Nun quepe dulda qu’esti reinu nun taba dexáu de la mano de Dios, de la Virxe, Santos, Arcánxeles, Arques Santes y tou tipu de milagros qu’asocedíen na Ciudá Santa d’Uviéu. Pero vamos dexar estos asuntos celestiales pel momento, para siguir cola monarquía y los trés monarques que nos queden.
- Fonte: Adolfo García / dibuxu
- Adolfo Garcia | Facebook
Tres la muerte d’Alfonso asocedida nel 842, «Tres una vida gloriosa, casta ya inmaculada». nun dexa herederu, de cuenta qu’hai que buscar a un nuevu rei. Ye escoyíu para ocupar el tronu Ramiro l, del que yá falamos de primeres. Ramiro nun s’anda con chancies y taba dispuestu a caltener l’orde nel reinu. Un noble llamáu Nepociano, usurpa’l tronu de Ramiro, pero vistu y nun visto. Ramiro vénce-y en combate, quíta-y de la vista y zárra-y para siempres nun monesteriu. Ramiro taba dispuestu a saca-y los güeyos a tol que lu mirara mal.
Amás,los pirates viquingos, abondo selvaxes como yá sabemos, asocédese-yos desembarcar nes mariñes asturianes ensin saber onde se metíen. Ramiro da-yos para’l foín,ambura gran parte de los sos barcos y sumen de les mariñes cristianes del norte para dir escalar más al sur remontando’l Guadalquivir.
