- Fonte: El Comercio / LNE /
La profesora universitaria y cronista Carmen Ruiz-Tilve apurrió ayeri en ‘el so’ colexu, el que lleva’l so nome, los Premios pola Paz, unos galardones qu’allaben «el fomentu a la cultura de la paz». Celebren la so sesta edición. Asina lo espresaba la directora del centru públicu de La Corredoria, Adriana González, quien formó amás parte del xuráu que decidió que los galardonaos d’esta edición -persona ya institución- fueren el médicu y activista Mohamed Safa «pol so defensa de los derechos humanos del pueblu palestín»- y la Federación de Deportes pa Persones con Discapacidá Física (Fedema) «pol so fomentu a la inclusión educativo y deportivo».
«Contenta» por allegar de nuevu al colexu, Ruiz-Tilve resaltó que «la paz debería de ser el primer elementu que nos pon a toos de mancomún y nun lo ye». «Hai que lluchar por ello, lluchar enforma, porque tamos en tiempos convulsos», añedió.
El 30 de xineru, conocíu como’l Día de la Paz y Non Violencia, ye’l día escoyíu pa unos premios que dexen compartir la repercusión de la tema ente’l mesmu alumnáu. «La paz, anguaño, tente bastante resquiebros, por eso hai qu’ayudar a que la cultura de paz creza y que los nuesos neños sían capaces d’apurrir el so granín d’arena», animó González.
Por ello, l’alumnáu de Primaria dedicó una especial atención a estos galardones, realizando distintos murales d’investigación y dibuxos sobro caúnu de los nomaos d’anguaño, amás de los mesmos ganadores. A nivel individual: José Antonio García Santaclara y Belén Suárez Prieto, pol so llabor social. Nel apartáu d’instituciones, figuraron la Hermandá de los Estudiantes, el Centru de Sofitu a la Investigación (Cal – AFESA), la Fundación Sira, l’asociación Ñarices Azules: Doctores Payasu; y el Programa Asturianu de Víctimes de la Violencia en Colombia.
«Anímanos a siguir»
L’activista Mohamed Safa foi’l primeru en recoyer un galardón qu’aseguró compartir col restu de nomaos, cuidao que «toos lluchamos, a la nuesa manera, polos derechos humanos». Nacíu en Cixordania, Safa fixo alusión al pueblu palestín y a l’agresión a que tán careciendo» anguaño, polo qu’acoyó’l premiu como «una amuesa de sofitu a les víctimes d’esti conflictu y la so llucha por recuperar la llibertá». Concluyó la so glosa col suañu de «un país nos que falta por construyir», pos «non puede falase de paz si nun hai llibertá ya igualdá».
Pela so parte, el fundador de Fedema, José Alberto Álvarez, estimó la valoración suxetiva» que supon un premiu apreciáu a nivel estudiantil, entá ye más tando tan cerca’l 30 aniversariu de la federación. «Nesti premiu intervienen de manera fonda estudiantes y profesores, tien más valor qu’otru que pudiera date otra institución», declaró. Por eso, dixo al públicu, «anímanos a siguir trabayando».
