Llega’l cambéu d’añu y con él, numberoses hestories, lleendes y mitos alredor d’esti períodu tan especial. Les celebraciones y costumes son distintes según el país o inclusive la rexón. N’Asturies tenemos delles tradiciones, como Los Aguilandos o Mazcaraes d’Iviernu. Les mazcaraes formen parte d’una tradición bien antigua non yá equí n’Asturies, sinón en casi toa Europa y, anque se celebra en Navidá, ye una fiesta de calter paganu.
Estes son les mazcaraes que se celebren a día de güei n’Asturies:
La Guirria Fiesta de La Guirria y del Aguilandu TESTU
Celébrase’l primer día del añu, el 1 de xineru, en San Xuan de Beleñu, la capital del conceyu de Ponga. Esta celebración llena de tradición ancestral y romanticismu el día d’añu nuevu. La Guirria, un amazcaráu metá trasgu, metá personaxe carnavalescu va faciendo de les suyes coles muyeres mientres tol día: achuchar, abrazar y besar. Ye como una gran obra teatral por tol pueblu, que se desenvuelve tantu al campu como n’interiores.
Vos reises del Valledor
La comitiva d’esta tradición prestosa ta formada xeneralmente por once personaxes davezu que van acompañaos de dalgún gaiteru, un tamboriteru y un acordionista. Estos percuerren los pueblos de Vilalaín, San Salvador y Fonteta, parando en #cada casa habitada (menos naquelles que tuvieren dalgún fallecimientu esi añu) pidiendo l’aguilandu. Davezu, ye El Choqueiro el qu’encabeza’l grupu, faciendo sonar «les llueques» que suel llevar colgaes pola cintura. El Choqueiro de vos Reises que va coles llueques col propósitu de dar anunciu de la presencia de tola comitiva ye una de les representaciones que los vecinos escueyen d’ente delles persones y que tien el sentíu de premiu, con muncha importancia para los habitantes d’esta parroquia.
Sidros y Comedies
Mientres la celebración d’esta tradición son delles les actividaes a les que puede echase una güeyada na parroquia sierense, como’l saltu con piértiga o la comedia. Nel primer casu, el meyor sidru yera d’antiguo quien meyor saltara. Para ello, llevaben un palu llargu d’ablanar que faía de piértiga. En munches ocasiones, sobremanera si ente ellos esisten rocees amistoses, cuando tán no más alto de la so trayectoria faen xirar la piértiga y el so cuerpu, describiendo unu y hasta dos círculos completos antes de volver al suelu. Xuna tradición que solía y suel empecipiar namás qu efinalicen les comedies, que son protexíes polos sidros, y cada añu representen xuna que cunta les noticies d’actualidá d’Asturies y del mundu.
Estos homes y muyeres amarutaos recuperen l’espíritu del Antroxu asturianu y de les tradicionales celebraciones de mazcaraes d’iviernu. Los homes-oveya, con mázcares coloraes saltando poles cais, faen sonar llueques ente qu’acompañen a la comedia, que consiste nuna representación sarcástica de teatru popular críticu y burllón colo qu’asocede nel llugar. Nos últimos años, estes comedies tán escrites por José Ramón Oliva, economista, escritor de teatru e impulsor del teatru costumbrista.
