Publicado en Dinosaurios

Identificada una nueva y extrañísima especie de dinosauriu marín depredador

 

Afayen un estrañu dinosauriu con pescuezu de gansu que tenía habilidaes de buceador. El llamáu Natovenator polydontus, atopáu en Mongolia, ye consideráu como un terópodo raru por haber lleváu una vida semiacuática, daqué pocu avezáu nesti tipu de dinosaurios.

Paecese a un ave buceadora moderna, como los pingüinos y les alcas, pero yera un dinosauriu desconocíu hasta agora. Los descubridores de los sos restos fósiles bautizáronlu como Natovenator polydontus, que significa “cazador-nadador con munchos dientes”.

 

 

Un estudiu publicáu esti xueves en Communications Biology describe esta nueva especie de dinosauriu que presentaba un cuerpu aerodinámicu similar al de les citaes aves. Los afayos representen el primer casu d’un terópodo con cuerpu aerodinámicu.

«El Natovenator ye un animal sorprendente por delles razones. De primeres, ye pequenu y delicáu. Cuando lo atopamos, nun tábamos seguros de qué tipu yera porque se paecía más a una cadarma de llagartu o mamíferu qu’a un dinosauriu. Una vegada estudiáu, dimos cuenta de que yera un dinosauriu terópodo», cuntó Currie.

Los terópodos –del griegu ‘pies de bisarma’– formen un suborde dientro de los dinosaurios. A él pertenez, ente otros, el famosu Tiranosauriu Rex.

El paleontólogu coreanu Yuong-Nam Llei y los sos colegues identificaron la nueva especie esaminando los restos fósiles d’un espécime de la provincia de Ömnögovi, en Mongolia.

L’espécime ye una cadarma casi completa y presenta el craniu, la columna vertebral, xuna estremidá delantera y los restos de dos estremidaes traseres.

Los autores señalen delles adaptaciones que suxuren qu’el Natovenator pudo ser un depredador semiacuáticu que buciaba, como un cuerpu aerodinámicu similar al de les aves buceadores modernes –con costielles qu’apunten escontra la cola– y un pescuezu llargu similar al de les aves acuátiques modernes, como los gansos. Si embargu ye un dinosauriu non aviar.

Estes adaptaciones pueden amenorgar la resistencia a la qu’el Natovenator víase sometíu al nadar y ayudábenlu a atrapar a les sos preses.

Los autores tamién especulen con que’l númberu *inusualmente altu de dientes que tenía Natovenator en relación col tamañu del so quexal podría indicar que s’alimentaba de pexes o insectos, anque se precisen más pruebes –como los restos fósiles del conteníu del so estómagu– pa confirmalo.

L’analís de les relaciones evolutives ente’l Natovenator y otros dinosaurios terópodos indica que taba estrechamente rellacionáu cola subfamilia de los halszkaraptorinos, un grupu de terópodos non avianos que, según investigaciones anteriores, podría tar afechu a un estilu de vida semiacuáticu, similar al de les aves acuátiques actuales.

En xunto, los afayos indiquen qu’el Natovenator era un depredador buceador semiacuáticu y apurren más información sobro la evolución de los terópodos.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *