Publicado en COVID 19, Salú

El miércoles empecipia la vacunación de la población pediátrica frente al Covid

El SESPA (Serviciu de Salú del principáu d’Asturies) va empecipiar el miércoles la vacunación de la población pediátrica frente al coronavirus, preferentemente peles tardes d’avientu de 2021. El Serviciu de Salú va realizar una citación proactiva de los 60.000 menores nacíos de 2010 a 2016, dambos años inclusive.

Los primeres en recibir la dosis van ser los nacíos en 2010, 2011 y 2012, a los que se-yos va aplicar la vacuna esti mes. El restu recibiranla en xineru, cuando lleguen más dosis. La inoculación siempres se va realizar en sentíu descendente d’edá, esto ye, va vacunase antes a los menores de 11 años, siguíos de los 10, y asina hasta los 5 años.

/

Neños y neñes tendrán d’allegar acompañaos d’un proxenitor o tutor llegal que va dar el so consentimientu verbal por que reciban la profilaxis.

Nes árees rurales, la vacunación va realizase n’atención primaria, ente que nes zones urbanes van alministrase les dosis nos puntos habilitaos mientres esta campaña.

Área sanitaria IV (Uviéu). Primeramente va citase a neños y neñes nel AutoVac del Hospital Monte Naranco, n’Uviéu. Darréu va vacunáse-yos nel AutoVac instaláu nel Parking 3 del HUCA. Los menores residentes nes zones especiales de salú (Morcín, Riosa y La Ribera) van recibir la profilaxis nos sos centros de salú.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *