Publicado en TIEMPU

Estáu del tiempu: domingu 20 d´avientu

Alborecemos col cielu nuboso ya con unes temperatures que tan alrodiu de los 6ºC, rexistrándose nel puirtu Payares 2ºC.
Güei tendremos abondosa nubosidá media-alta pero les precipitaciones nun llegarán hasta la nueche, con unes temperatures que camudarán poco con másimes alrodiu de los 14ºC. Al finar el día va arreciar l’aire ábrigu nes zones altes de montaña onde se puen algamar raches superiores a los 70km/h.

Durante’l riscar del llunes mos va cruzar un frente altlánticu poco activu que mos dexará precipitaciones febles en xeneral que sedrán más abondoses na metá ocidental. Durante’l día quedarán intervalos nubosos entemecios ente dellos claros con unes temperatures n’ascensu que mos apurrirán unes másimes perriba de los 17ºC. L’aire ábrigu va soplar con fuercia n’alborada en zones altes de montaña ya en puntos del llitoral con tendencia a amenorgar durante’l día anque van caltenese raches moderaes igualmente.
El martes seguiremos col aire ábrigu ya con nubosidá media-alta que mos dexará un ambiente afayaizu ya temperatures suaves.
El miércoles aumentará la nubosidá con precipitaciones pela tarde, con unes temperatures que descenderán pero llixeramente, sobre too al final del día. L’aire con tendencia a rolar a gallegu pela tarde que mos pue dexar dalguna racha moderada en zones altes ya en puntos del llitoral.
Pa Nueche Bona y Navidá los modelos meteorolóxicos mos lo tan poniendo difícil, cada salida camuden dalgo y caún diz una cosa diferente pero lo más probable ye que durante’l xueves tengamos unes hores con vientu de componente norte que mos apurrirá xarabatos intermitentes ya un descensu moderáu de les temperaures, faciendo que surda la nieve perriba de los 900-1000m.
El día del Nadal sedrá un día nuboso y fríu con un descensu bultable de les temperatures pero sin malpenes precipitaciones, ya’l restu la selmana presentase poco nuboso o escampláu pero con xelaes mui importantes y temperatures mui contenies al mediu día.

5 comenta

rios

Autor:

Maestra de Llingua Asturiana Colexu Carmen Ruiz-Tilve - Uviéu