- CometCon 2,3 y 4 de setiembre / web oficial /blog / Youtube /@CometConES / TPA
La organización espera siguir medrando nos años vinientes
La Cometcon batió récor d’asistencia. Un total de 24.500 persones pasaron esti fin de selmana pel recintu ferial de Xixón pa participar nesti eventu. Son 7.000 más que l’añu pasáu, cuando entá taben vixentes les restricciones d’aforu. La organización espera siguir medrando nos años vinientes.
L’oxetivu, superar los 20.000 asistentes. VIDEU TPA
Media hora enantes de qu’abriere les puertes, yá yera difícil distinguir ónde terminaba la cola pa entrar al recintu ferial Luis Adaro, de Xixón. A la Cometcon viense a esfrutar ensin complexos. El color vuelven a ponelu los ‘cosplayers’, mozos y moces amantes del manga y del anime xaponés, convertíos nun estilu de vida.
Ún de los pabellones más visitaos ye’l de los videuxuegos. Un espaciu onde participar en torneos. Na Cometcon pue pasar de too. Inclusive ver a l’alcaldesa de Xixón batiéndose nun duelu d’esgrima. L’oxetivu d’esta edición, superar los 20.000 asistentes.