El primer xueves del mes de mayu celebra’l Día Mundial de la Contraseña, una fecha que pretende concenciar al usuariu de la importancia que tien establecer contraseñes y claves segures y robustes, una y bones éstes son la llave de la nuesa información personal.
Orixe del Día Mundial de la Contraseña
L’orixe d’esta fecha parte del investigador en seguridá Mark Burnett que nel so llibru Perfect Passwords (2005) anima a les persones a establecer un nivel de seguridá alto na elección y usu de les contraseñes, y propunxo celebrar un día para concenciar sobro ello. Inspiráu nesta idea, Intel Security tuvo la iniciativa de declarar un Día Mundial de la Contraseña, que se celebraría’l primer xueves de mayu, dende l’añu 2013.
Una contraseña o clave ye una forma d’autentificación qu’utiliza información secreta para controlar l’accesu escontra dalgún recursu. La contraseña tien de caltenese de callao énte aquellos a quien nun se-yos dexa l’accesu. A aquellos que deseyen aportar a la información solicítase-yos xuna clave; si conocen o nun conocen la contraseña, concédese o se niega l’accesu a la información según sía’l casu.
