- Fonte noticia: LNE / El Comercio / El Fielato.
Siete voluntarios allegaron al llamamientu del Conceyu de Ponga para pintar la zona de recréu de la escuela de San Juan de Beleñu. Una d’elles foi la mesma alcaldesa, Marta Alonso. La pintura, que foi donada pola agrupación socialista del conceyu, aplicose na zona de los xingadorios, como amuesa la imaxe, informa M. V.
El milagru de la escuelina» xune a los vecinos de Ponga Voluntarios ponen a puntu la escuela de 0 a 3 que va abrir esti cursu, con seis ñácaros yá inscritos. «La ilusión ye terrible». Los neños d’Infantil y Primaria van disponer per primer vegada de dos aules distintes pola medría de matrícula nel conceyu.
Los neños son un bien escaso na zona rural, tantu qu’en Ponga nun remacarien n’esfuerzos tantu para caltener a los yá asitiaos como para atraer a más families con menores al traviés de los servicios. El so gran apueste ye la escuela de 0 a 3 que va abrir en septiembre, frutu del enfotu del Conceyu y de los mesmos vecinos.
Ponga consiguió asitiar población local moza que prefirió quedase nel conceyu antes de colase a otru llugar. Según la rexidora, el procesu dábase yá con anterioridá a la pandemia. “Hubo persones que s’asitiaron antes del covid, un neñu que sí empezó l’añu pasáu al colexu y el restu son persones d’equí”, aseguró. Enagora, en Ponga ta garantizáu’l relevu xeneracional.