Asina ye’l monumentu al mineru de Siero, homenaxe al herederu de la hestoria centenaria» de la tradición carbonera del conceyu .
«Arguyosu herederu d’una hestoria centenaria, al mineru padre, compañeru, amigu, siempres comprometíu, solidariu na desgracia». Ye’l testu que se llee nel pedestal del monumentu al mineru de Siero, allugáu en Carbayín Baxu, na zona de la estación, y qu’homenaxa a los trabayadores de les esplotaciones qu’esistieron nel conceyu.
*Carbayín Altu (parroquia de Santiago Arenas) y Carbayín Baxu (parroquia de Santo Marta Carbayín) cunten con una gran tradición minera, que los sos entamos remontense al sieglu XVIII. Na redoma d’estes localidaes entá pueden contemplase les muertes y castilletes de pozos como’l de Pumarabule o Mosquitera, próximu yá a Llangréu.
El monumentu al mineru inauguróse fai yá más de dos décades, n’avientu de 2000, siendo alcalde’l fináu Juan José Corrolades Montequín, y el grupu escultóricu, formáu por trés figures de bronce, ye obra de Fernando González Huergo.
