Publicado en Curiosidaes, NATURA

Afayen dos nueves especies de xigantescos dinosaurios: Hamititan y Silutitan

Un equipu de paleontólogos desenterró los fósiles de dos nueves especies de dinosaurios na rexón noroeste de China. Dambos grupos de fósiles pertenecen a dos especies de dinosaurios xigantes, dambos del doble del tamañu d’un autobús, que vivieron nesta zona fai unos 130 millones d’años.

Desenterraos barganal de la ciudá d´Hami, nel este de Xinjiang, los enormes saurópodos, moteyaos ‘Hamititan’ y ‘Silutitan’, atopense ente los primeres vertebraos de la rexón.

Los dos nuevos dinosaurios fueron bautizaos como Silutitan sinensis («silu» que significa «Ruta de la Seda» en mandarín) y Hamititan xinjiangensis, un guiño a la rexón onde s’atopó. Dambos incorporen la palabra griega «titán», que significa «xigante», en referencia al so tamañu. Envalórase que l’espécime de Silutitan midía más de 20 metros de llargu, ente que l’espécime d´Hamititan tenía 17 metros de llargu, casi tan grandes como xuna ballena azul (l’animal vivu más grande del nuesu tiempu).

Nun se trata de cadarmes completes, pero colos restos disponibles, los espertos tamién infirieron que tendríen pescuezu llargu, cola llarga y pates grueses y que probablemente pesaben xunas 40 y 35 tonelaes, respectivamente. La forma y les crestes a lo llargo de les vértebres suxuren que pertenecía a una familia de saurópodos qu’abondaben tanto n’Asia como n’América del Sur.

Xuntos, añeden los  investigadores de l’Academia de Ciencies de China, los dos descubrimientos ufierten «un mayor sofitu pa una diversificación xeneralizada d’estos saurópodos mientres el Cretácicu Inferior d’Asia».

L’estudiu

Los espertos esaminaron xuna serie de fragmentos fósiles, incluyíos les vértebres y partes de la caxa torácica, de trés dinosaurios individuales, incluyíu un Hamititan, un Silutitan y l’otru un saurópodo ‘somfospondilano’ non identificáu. (Los somfospondilanos yeren un grupu de dinosaurios que vivieron fai 160,3 a 66 millones d’años y caracterizábense por característiques qu’incluyíen la presencia de siquier 15 vértebres del pescuezu y güesos radiales biselaos). Identificaron característiques distintives en tolos restos fosilizaos y compararonlos con otros dinosaurios saurópodos d’otres partes de China y más allá hasta afayar que los dos primeros conxuntos de güesos pertenecíen a especies primeramente desconocíes.

Según los investigadores, la naturaleza de les vértebres del pescuezu de Silutitan suxuri que pertenecía a una familia de saurópodos conocida como Euhelopodidae, qu’hasta la fecha solo desenterráronse en sitios nel este d’Asia. Per otru llau, Hamititan, foi identificáu a partir de siete vértebres de la cola, quien paez que tien semeyances con miembros de los xéneros rapetosaurus y opisthocoelicaudia.

Edá d’oru pa China

El xacimientu d´Hami ye conocíu pola bayura de fósiles del pterosauriu Hamipterus tianshanensis, ente los que s’atopen güevos y embriones perfectamente calteníos.

Los fósiles de dinosaurios en China fueron desenterraos gracies al esfuerzu de collaboración ente l’Academia de Ciencies de China y el Muséu Nacional de Brasil. Los afayos de los fósiles de China publicaronse na revista Scientific Reports, titulada «Los primeros dinosaurios de la fauna de pterosaurios Hami del Cretácicu tempranu, China». La nación oriental ta esperimentando xuna edá d’oru de la paleontoloxía, con emocionantes descubrimientos de fósiles espardíos por tol país.

Referencia: Wang, X. et al, The first dinosaurs from the Early Cretaceous Hami Pterosaur Fauna, China, Sci Rep (2021). DOI: 10.1038/s41598-021-94273-7

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *