⚠️ 6 de les 8 especies d’osos qu’esisten nel mundu atopense n’estáu vulnerable. 🐻 N’España, l’osu pardu (‘Ursus arctos’) ta en peligru d’estinción. Caltener estes especies ye esencial pa protexer la nuesa diversidá. Cartelu
L’osu pardu ye una de les especies más emblemátiques de la nuesa fauna y un gran indicador del estáu de caltenimientu de los montes nos que vive.
Escorrida nel pasáu, y apostrada a los macizos montascosos del norte d’España, la población d’osu pardu del nuesu país foi amenorgándose hasta finales del sieglu XX, llegando en cantu de la estinción. Sicasí, a mediaos de la década de 1990 y gracies al trabayu combináu d’alministraciones y ONG, la especie empezó un periodu de recuperación que se caltien na actualidá. Na actualidá hai más de 300 exemplares nel cantábricu, y más de 60 na población pirenaica (Datos de Fundación Oso Pardo).
Parte esencial de la recuperación de la especie foi la designación d’una gran rede d’espacios protexíos nel Cordal Cantábricu y Pirineos. Tamién foi importante’l cambéu na percepción del osu pardu nel mundu rural. Na actualidá, munches de les árees de monte alcontraes na so área de distribución ven nesta especie una oportunidá de desenvolvimientu económicu y social.
Un estudiu realizáu en 26 conceyos del Cordal Cantábricu amuesa como esta especie xeneró más de 20 millones de € d’ingresos y 350 empleos directos a tiempu completu en 2017 (Datos de Fundación Oso Pardo).
Nel Episodiu 1 de nuesa serie Vides Protexíes amosemos l’exemplu del Parque Natural Somiedu, onde la recuperación de la especie impulsó un modelu d’ecoturismu basáu na promoción de territorios bien calteníos, amás d’una marca calidable ambiental de productos y servicios. Y en el nuesu episodiu del próximu sábadu vamos amosar el trabayu d’una de les persones responsables del siguimientu y curiáu de los osos pardos qu’habiten el Parque Natural del Monte Palentín. ¡Non te piérdaslo!
