Na esposición, titulada “Vientu Norte”, conviven paisaxes esultantes y magníficos; escenes urbanes d’una cotidianeidad tienra y simbólica y un rosariu de manos, güeyos y mexelles que dan fe de la sensibilidá y l’empatía de Muller para cola so próximo.
Hasta’l 5 de setiembre, el Muséu de Belles Artes d’Asturies acueye les fotografíes de Nicolás Muller como un apartaz onde’l mundu y les sos formes revelen con esa guapura y esa consistencia que la mirada bulímico y superficial del espectáculu arrampúñalu.
Dicía esti día el fotoperiodista Álex Zapico, a cuenta de una serie de fotografíes sos publicaes en Nortes, que “les semeyes en blancu y negru nun tienen maquillaxe. De dalguna manera cunten la hestoria real de lo que ta asocediendo ensin colores que nos distrayigan. Llévennos al espaciu, el tiempu y el momentu de la realidá”.
Agora que les imaxes son l’únicu réxime al qu’obedecemos por instintu, la fonte última del poder que nos disciplina—“l’espectáculu nun ye un conxuntu d’imaxes, sinón una relación social ente persones mediatizada por imaxes”—, ye un aliviu mirar dacuando fotografies que son como asomarse a una ventana sobro’l valle o estregase los güeyos cola agua xelada que baxa de los neveros. Hasta’l 5 de setiembre, el Muséu de Belles Artes d’Asturies acueye les fotografíes de Nicolás Muller como un apartaz onde’l mundu y les sos formes revelen con esa guapura y esa consistencia que la mirada bulímico y superficial del espectáculu arrampúñalu.
