Cada 5 de mayu celebra’l Día Mundial de la Hixene de Manos, cola cuenta de concenciar a la población sobro la importancia de caltener una fayadiza y correcta hixene de manos, pa prevenir enfermedaes ya infecciones transmisibles. Pal añu 2023 el lema ye «Acelerar l’acción xuntos. SALVA VIDES – Llímpiate les manos».
La Hixene de Manos: un vezu importante pa nuesa salú
La hixene de manos ye una rutina senciello y fundamental de too ser humanu, siendo la llavadura de manos un vezu esencial. Una correcta hixene va dexar la óptima llimpieza de la piel de les nueses manos, al tar en contactu permanente con superficies contaminaes por virus, bacteries y otres partícules.
Campaña permanente «Salve vides: llímpiese les manos»
La campaña «Salve Vides: Llímpiese les Manos» (n’inglés «Save Lives: Clean Your Hands«) ye xuna iniciativa de calter permanente creada pola Organización Mundial de la Salú nel añu 2009, pa sofitar la hixene de manos a nivel mundial como estratexa pa menguar les infecciones transmisibles y enfermedaes contaxoses.
Esta iniciativa de la OMS fomenta’l compromisu y les acciones necesaries pa caltener esti movimientu global. Como xuna acción de respaldu a esti esfuerzu incorporóse’l Día Mundial de la Hixene de Manos.
¿Cómo podemos efectuar la hixene de manos? De siguío mentamos dellos encamientos básicos sobro la hixene de manos:
- Llavase les manos a lo menos 40 segundos con abondosa agua y xabón: depués de dir al bañu, tusir o espirriar, manipoliar alimentos y tocar superficies contaminaes.
- Utilizar productos calidable pa la llimpieza y la llavadura de manos: xabón, xel, ente otros.
- Caltener llimpies y retayaes les uñes de les manos, pa evitar l’almacenamientu de partícules.
- Evitar el contactu con superficies contaminaes dientro y fora del llar.
- Utilizar guantes pal manexu de productos de llimpieza y químicos. Al terminar, llavar les manos con agua y xabón.
- Aplicar cremes hidratantes pal cuidu de la piel de les manos.
