Publicado en Día de...

5 d´avientu: Día Mundial del Suelu

Güei cellebramos el «Día Mundial del Suelu» (WSD). Celébrase añalmente cada 5 d’avientu dende 2014, añu nel que la ONU designó esta fecha a propuesta de la FAO un añu tras. Esti día foi oficialmente reconocíu en memoria del Rei de Tailandia Bhumibol Adulyadej, queríu monarca fináu en 2016 qu’autorizó oficialmente l’acontecimientu y que foi unu de los grandes promotores d’esta idea. Tien por oxetu crear conciencia de la importancia de caltener los ecosistemes sanos y el bienestar humano encetando los crecientes desafíos de la ordenación del suelu, lluchando contra la perda de la biodiversidá del suelu, aumentando la conciencia sobro’l suelu y afalando a los gobiernos, organizaciones, comunidaes y persones de too el mundu a comprometese a ameyorar proactivamente la salú del suelu.

Los suelos alluguen ¼ de la biodiversidá del planeta. Hai más organismos n’una cuyarada de suelu  que persones en tol planeta. Caltengamos vivu’l suelu, protexamos la biodiversidá del suelu. Descarga el cartel en pdf!

Les plantes nutren tou un mundu de criatures nel suelu, que de la mesma alimenten y protexen a les plantes. Esta diversa comunidá d’organismos vivos caltien el suelu sano y fértil. Esti vastu mundu constitúi la biodiversidá del suelu y determina los principales procesos *biogeoquímicos que faen posible la vida na Tierra. Ver videu.

Asina, anguaño la campaña «Caltengamos vivu’l suelu, protexamos la biodiversidá del suelu» pretende concenciar sobro la importancia de caltener ecosistemes saludables que garanticen el bienestar humano con una xestión eficiente del terrén. Si nun actuamos llueu contra la perda de la biodiversidá del suelu, la Tierra va perder suelu fértil, lo qu’amenaciaría la seguridá *alimentaria.

P’apurrir el nuesu granín d’arena, la FAO preparó xuna web llena de risonderes iniciatives y material pa concenciar y espublizar en distintes plataformes, al empar que s’entamaron ensame d’eventos rellacionaos cola esmolecedora amenaza de la perdida de biodiversidá del suelu. Ver web de la FAO.

 

 

Autor:

Maestra de Llingua Asturiana Colexu Carmen Ruiz-Tilve - Uviéu