/ 
Un profesor indiu, Ranjitsinh Disale, gana’l «Nobel de la Educación». Va Compartir «la metá del dineru colos otros candidatos y, col restu, va llanzar un exércitu de paz«. La so escuela, Escuela primaria Zilla Parishad, India, oxetivu terrorista.
El Global Teacher Prize ye un premiu qu’otorga añalmente la Varkey Foundation y toos consideren el «Nobel de la Educación». El premiu dotáu con un millón de dólares quier reconocer el llabor de los docentes, la so importancia a la de camudar la sociedá. Por eso, utilicen la etiqueta global #TeachersMatter (Los Profesores Importen).
Anguaño’l premiu recayó nun profesor de la India, pol so increíble hestoria de superación. Ranjitsinh Disale empezó la docencia n’una escuela derruida en Paritewadi, una localidá rural del estáu de Maharashtra. Les neñes nin triaben la escuela y aína casábense para nun ser una carga familiar. Los neños tampoco podíen dir con frecuencia, yá que teníen qu’ayudar a los sos padres nel campu. Amás, los pocos que diben a la escuela aína se desmotivaban, una y bones los llibros de testu nun taben nel so idioma maternu: el Kannada.
“Nestos duros momentos, los maestros faen tolo posible para asegurase de que tolos sos alumnos tengan accesu a un derechu de nacencia, el de tener una bona educación”
Disale supunxo toa una revolución. Foi casa per casa falando con tolos padres. Aprendió Kannada, rediseñó y tradució los llibros de testu de cuatro cursos y, amás, completór con códigos QR nos que los neños podíen descargase hestories, poemes y deberes na so propia llingua. La escuela, por si fora poco, foi oxetivu d’un ataque terrorista y tubu que tar cerrada dos meses. Dempués, llego’l covid y castigó duramente a la rexón. Sicasí, los estudiantes siguieron coles sos llecciones. Yá nun hai matrimonios infantiles na zona y los neños tán escolarizaos al 100%.
Disale llogró resultancies revolucionaries na so escuela, con un 100 % d’asistencia de les alumnes y col 85 % de los sos estudiantes recibiendo la puntuación máxima nos exames de final de cursu, lo que valió’l galardón al meyor colexu del distritu. (EFE).
Cada añu preséntense miles de candidatos al Global Teacher Prizer, un premiu que se convoca dende 2013. A la fin, queden diez candidatures, ente les que destacó Disale. Sicasí, el profesor indiu quier ayudar a los sos compañeros y aseguró que va donar la metá del premiu por que sigan el so trabayu, según recueye New Indian Express.
«Podemos tender la mano y allixerar la vida de munchos estudiantes»
Amás el mozu maestru, y nun xestu únicu nes seis ediciones del galardón, anunció mientres el so discursu que partiría la metá del millón de dólares del premiu colos otros nueve finalistes, procedentes d’Italia, Brasil, Vietnam, Reinu Uníu, Coréu del Sur, Estaos Xuníos, Suráfrica, Nixeria y Malaisia.
“Los maestros son los verdaderos xeneradores de cambeos, que camuden la vida de los sos estudiantes con unu amiestu de tiza y desafíos. Siempres creen en dar y compartir”
“Por ello -añedió- complazme anunciar que voi compartir el 50% de la dotación del premiu, en partes iguales, colos mios colegues ente los diez finalistes, pa sofitar asina’l so increíble trabayu. Creo que xuntos podemos camudar esti mundu porque compartir ye crecer”.
Cola otra metá del premiu, va llanzar xuna iniciativa pa evitar qu’haya neños soldáu. Quier que, cada añu, siquier 5.000 estudiantes en países en guerra sían “recultados” pa un exércitu de paz.
