- Fonte: SERIDA / Facebook
- Info SERIDA
📖 Cinco característiques para conocer más a xeitu a la #ratatopera:
1️⃣ Ye una especie autóctona, siendo una presa clave para depredadores tantu terrestres como aéreos.
2️⃣ Alimentase de gran variedá d’especies pratenses y de los raigaños de dellos frutales, como’l pumar, quivi, cirolar, peral y zrezal, pudiendo xenerar importantes perdes económiques.
3️⃣ Tamién estropien los silos, afuracándolos, y la tierra qu’espulsa al esterior amenorga la cobertoria vexetal y enzanca les práctiques agrícoles.
4️⃣ Presenta ritmos multiañales de densidá, pudiendo algamar densidaes de 500 o inclusive 1000 exemplares per hectárea.
5️⃣ Ye esencial realizar un control poblacional coordináu mientres fases de baxa densidá y, especialmente, nel entamu de la crecedera poblacional.
La ratatopera o l’aguarón toperu (Arvicola terrestris) ye una especie de royedor de la familia Cricetidae.
Presenta dos formes ecolóxiques: la cavadora, qu’habita los macizos montascosos del suroeste y centru d’Europa, y la semiacuática, qu’ocupa’l restu de la so área de distribución. Apocayá propúnxose una nueva configuración taxonómica: Arvicola terrestris, los representantes semiacuaticos, seríen una subespecie d’Arvicola amphibius, y los morfotipos cavadores, qu’ocupen ciertos macizos montascosos europeos, perteneceríen a Arvicola scherman. Según esta clasificación, los aguarones toperos ibériques corresponderíen a esta última especie.
