¡Siguimos sumando ediciones! Cumplinse 9 años del concursu escolar de Güevos Pintos. Per primer vegada, la decoración de los güevos ta inspirada n’Orixe, el nuesu proyectu de Sostenibilidá basáu nos 17 Oxetivos de Desenvolvimientu Sostenible (ODS) de Naciones Xuníes. Cada colexu participante recibió un ODS distintu nel que debió basar la temática de la so decoración y que sirvió como conteníu didáctico nes aules.
Visita la Expo Xigante y vota pol to favoritu
Anguaño, 12 colexos de Siero y contorna participen colos sos propios diseños de Güevos Pintos que, amás d’un componente artísticu, tienen un valor sostenible.
Yá puedes visitar la Expo Xigante, allugada nel Paséu de les Estrelles -frente al puntu d’Información-, y conocer los 12 Güevos Pintos. Una vegada tengas claro’l to cole preferíu, ¡vota por él al traviés de l’App del Club Parque Principáu! Puedes faelo hasta’l 11 d’abril (incluyíu).
Colexos participantes
- C.P. Los Campones. Títulu: “Si yo como, toos comemos” – ODS 2. Fame Cero.
- C.P. Santa Bárbara. Títulu: “Un güevu la mar de saludable” – ODS 3. Salú y Bienestar.
- C.P. Granda. Títulu: “Desapegando escontra una educación calidable» – ODS 4. Educación calidable.
C.P. Xentiquina. Títulu: “Coedúcame un cuentu” – ODS 5. Igualdá de Xéneru. - C.P. Hermanos Arregui. Títulu: “Y tu…, ¿de quién yes…? Ahorrater o derrochater“ – ODS 7. Enerxía Algamadiza y Non Contaminante.
- C.P. El Cotayo. Títulu: “C.P. Cotayu, 50 años d’Igualdá” – ODS 10. Amenorgamientu de les Desigualdaes.
- C. R. A de Viella. Títulu: “CRAra-mente son el futuru” – ODS 11. Ciudaes y Comunidaes Sostenibles.
C.P. Carbayín Baxu. Títulu: “L’empiezu empieza por ti” – ODS 12. Producción y Consumu Responsables. - C.P. Condáu de Noreña. Títulu: “Los dos mundos” – ODS 13. Acción Pol Clima.
- C.P. La Fresneda. Títulu: “La tortura marina” – ODS 14. Vida Submarina.
- C.P. Pablo Miaja. Títulu: “#Madre Tierra” – ODS 15. Vida d’Ecosistemes Terrestres
- C.P. La Corredoria. Títulu: “Tierra O.D.S. 16-30” – ODS 16. Paz, Xusticia ya Instituciones Sólides.
El Concursu Escolar de “Güevos Pintos” va tener 3 premiaos.
- Ganadores del Xuráu. El 1º y 2º premiu van ser escoyíos al traviés de la votación d’un xuráu con representantes de Parque Principáu y de la Sociedá Festexos de Pola de Siero y van consistir nuna tarxeta regalo de 1.000€ y 500€ de Fnac *respectivamente, pa la compra de material escolar.
- Ganadores Votación Popular. Un 3º premiu va ser escoyíu al traviés de la votación de los usuarios na App del Club Parque Principáu na que’l colexu más votáu va recibir una tarxeta de 300€ de Fnac.
Amás, los 9 colexos ensin premiar van recibir una tarxeta regalo de 100€ pa trocar por material escolar en Fnac, n’agradecimientu a la so collaboración.
Proxecto Orixe
Orixe, de Parque Principáu, ye un proyectu de sostenibilidá pioneru nel sector que consta de más de 50 acciones añales dirixíes a promover un cambéu sostenible, social, medioambiental y económicu n’Asturies, marcáu polos 17 Oxetivos de Desenvolvimientu Sostenible (ODS) de la ONU.
