Publicado en Día de...

Día Mundial de los Animales

Ayeri, 4 d’ochobre, celebrábase’l Día Mundial de los Animales. La fecha foi declarada pola Organización Mundial de Protección Animal nel añu 1929 mientres un congresu celebráu en Viena. L’oxetivu d’esti día ye concenciar sobre la estinción de munches especies alredor del mundu.

Anque ye una celebración que tien más de 90 años, nun se popularizó hasta 1980, cuando’l papa Juan Pablo II declaró a San Francisco de Garráis como’l patronu de los animales y del mediu ambiente. Giovanni di Pietro Bernardone (más conocíu pol so nome santu) nació n’Italia en 1182 y foi reconocíu pola so filosofía de vida, yá que amaba y tenía respetu por tolos seres vivos por igual: persones, animales o plantes.

El Día Mundial de los Animales celebra cada añu’l 4 d’ochobre. Tien como oxetivu promover los derechos de los animales y ameyorar el so bienestar en tol mundu. Mientres esti día, la población, les instituciones, organizaciones polos derechos de los animales y empreses lleven a cabu distintos eventos para concenciar a los ciudadanos avera del bienestar de los animales.

La idea de dedicar un día al añu a los animales surdió del escritor y activista alemán polos derechos de la fauna Heinrich Zimmerman, qu’entamó’l primer eventu dedicáu a ellos en 1925 en Berlín con una arribación de más de 5 000 persones.

Güei cuatro d’ochobre ye’l Día Mundial de los Animales, de tolos animales.
Herbívoru, carnívoros, carroñeros, guapos, feos, abondosos, escasos.
De toos esos escorríos, acosaos y mataos por ser lo que son, porque causen molesties a los nuesos intereses económicos o lúdicos.
De tolos animales, los que maten, los que son mataos para alimentar a otros.
De toos, de los que repten, caminen, vuelen o naden. De los que tienen plumes, pelos o escames.
De los icónicos, de los totémicos, de los que nos acompañen na nuesa vida diaria, de los que pasen inalvertíos y de los que nunca vamos ver.
Toos y cada unu d’ellos son importantes, toos ellos tienen la so función y toos ellos merecen ser respetaos, defendíos y protexíos.
Porque nos guste o non, toos tán nel mesmu barcu que nós y toos tendríamos de remar na mesma dirección por que’l barcu siga saleando.
Pero dalgunos decidieron que non tolos animales son importantes o necesarios, asina que en díes como’l de güei hai que siguir recordando que tolos animales son imprescindibles d’una o otra manera por que esti mundu, el nuesu mundu, siga rodando.
Nin una sola especie tendría de ser escorrida hasta la estinción. Nin una sola especie tendría d’escastase pol nuesu egoísmu

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *