Publicado en Sin categoría

35 Quemes actives

Na imaxe, efeutivos de Bomberos d’Asturies faen trabayu
de cortafueu en Cangas del Narcea. Semeya propiedá del SEPA.

Ḷḷena, con 8, ye’l conceyu más afeutáu.

A les 19.06 hores de güei había 35 quemes actives n’Asturies. Son 15 menos de les esistentes esta mañana, cuando s’informaron 50, llueu d’unes xornaes complicaes nes que llegaron a contabilizase, ayeri al muedía, 93.

La distribución de los fuegos por conceyos ye la siguiente: Ḷḷena, 8; Ayer, 6; Cangas del Narcea, 4; Allande, Llanes, Mieres y Ponga, 2; y Amieva, Grau, El Valle Baju de Peñamellera, Riosa, Salas, Teberga, Tinéu, y Yernes y Tameza, 1. Nos llabores de desaniciu, vixilancia y siguimientu de les quemes tán trabayando xunto col personal de sala del 112 del Serviciu d’Emerxencies del Principáu d’Asturies (SEPA) y los efeutivos de Bomberos d’Asturies, los axentes del mediu natural, les cooperatives forestales y les brigaes de llabores preventivos del Ministeriu de Transición Ecolóxica.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *