«La huertina de Toni», asina ye l’asturianu qu’atropa millones de visualizaciones en Youtube
Toni Jardón creó una canal de Youtube por casualidá y a día d’atropa millones de visualizaciones. Na so canal publica tou tipu de vídeos rellacionaos cola agricultura sostenible. Dende cómo granar un aguacate hasta crear un humus de merucu por qu’actúe como pesticida.
- Fonte: La Voz /
Con tan solo ocho años Toni Jardón empezó a esperimentar con toes aquelles granes que cayíen nes sos manos. En llogrando que granaren, llantaba caúna d’elles nun cachu del xardín de la so casa en Tarragona. Anque «apenes salía nada», esfrutaba enforma de ver cómo crecíen les plantes. Mentanto, nel so interior, diba floriando la pasión polos cultivos hasta que la tecnoloxía cruciose nel so camín. Nesi momentu decidió formase n’informática; sicasí, col pasu del tiempu tuvo la necesidá de volver ponese en contactu cola naturaleza. En tornando a la tierra natal del so padre y adquirir un terrén en Les Regueres, volvió semar «tolo qu’atopaba» d’una forma autodidacta y ecolóxica. Paralelamente y por casualidá decidió crear una canal de Youtube sobro cómo trabayar la güerta d’una forma senciello y detallao. Col nome de La Huertina de Toni, a día de güei atropa millones de visualizaciones y trespasa fronteres.
Xuno de los bancales de la güerta de Toni en Les Regueres
Nun primer intre, Toni Jardón tenía claro qu’el so cultivu tenía que ser 100% ecolóxicu, yá que, de nun ser asina, «mercaría tranquilamente los productos nel supermercáu». Al envís de tener una güerta sana», daqué fundamental, el de Tarragona, a la de collechar, tan solo utiliza técniques respetuoses col medioambiente y prescinde, por tanto, del usu de toa sustanza químico, como pueden ser pesticidas o fertilizantes sintéticos. «Procuro actuar lo menos posible dientro de la mio güerta. Lo que faigo ye fomentar la biodiversidá y que los cultivos tean en sintonía cola naturaleza, que formen parte del ciclu completu de la mesma», asegura.
Ye por ello que, pa evitar y combatir plagues, intenta «atraer» aquellos insectos que *batallan les mesmes o lo fai al traviés de flores qu’abruxen a dichos insectos. Nel casu de nun ser capaz de controlar naturalmente a los animales qu’ataquen y destrúin los sos cultivos, utiliza remedios naturales como pue ser un preparáu a base d’ortiga. Y lo mesmo fai p’aprovir de nutrientes a les plantes. «Son coses que funcionen perbién y coles que llograr bien bones colleches», resalta Toni, quien confiesa que, a la de comese un tomate, xuna pataca o cualquier fueya que primeramente nun foi tratada «el sabor ye increíble».
¿Cómo surde la canal de Youtube?
Nel momentu que Toni mercó dicha parcela a escasos kilómetros d’Uviéu y decidió cultivar la mesma d’una forma ecolóxica, «nun tenía nin idea de cómo faelo». Sicasí, como yera la so pasión, amás de consultar llibros, siguía la canal de Youtube d’un maestru xubiláu en Cantabria «que nos enseñaba un mizcu cómo faía la so güerta». Un día dio la casualidá de qu’esti home, n’unu de los sos vídeos, amosaba unos ayos «que yeren bien grandes y teníen la peculiaridá de qu’en climes bien húmedos desenvolvíense perbién». Daqué que n’Asturies nun suel pasar, yá que cuando se cultiven dichos productos estos salen «bien pequenos y ruinos», polo que’l catalán decidió pidi-y xunas granes de los mesmos.
Énte esti pidimientu, el cántabru respondió-y que sí y pidió-y la so dirección pa unvia-y los ayos. «Quedé alucináu, porque que xuna persona que nun te conoz de nada mándete xunas granes qu’a la fin tien un costu y un trabayu, nun ye normal. Por eso, cuando me llegaron como nun me lo podía creer asocedióme que la meyor manera d’estima-y lo yera xubiendo un vídeu de cómo los llantaba yo equí n’Asturies», cunta Toni, quien en publicando en Youtube el conteníu amás de velo dichu maestru, fíxolo más xente. «Y encantólos cómo esplicaba», diz.
«Nun suelo xubir nada que non testara o probara mientres siquier un añu o dos»
Nun foi hasta’l mes siguiente cuando decidió compartir un vídeu de cómo llantaba los arbeyos y pasó «un poco lo mesmo». Decenes de mensaxes atropábense allabando’l so llabor y animándolo a crear una canal de Youtube. D’aquella, Toni nin siquier tenía cuenta de faelo, pero, ante la bona acoyida de los sos conteníos, decidió llanzase. Sol nome de La Huertina de Toni, empezó a xubir clips sobre la so collecha, según conseyos de cultivu, basándose, eso sí, na so propia esperimentación. «Ye tou ensayu y erru. De normal, nun suelo xubir nada que non testara o probara mientres siquier un añu o dos. Si veo qu’hai coses que me van bien, entós a partir d’ende yá ye cuando les tresmito», asegura’l catalán, quien amás se documenta sobre la horticultura, amás d’allegar a cursos nos qu’apriende técniques de cultivu.
Freses collechaes por Toni na so güerta de Les Regueres
A día de güei, Toni Jardón comparte vídeos de too tipu. Eso sí, rellacionaos cola agricultura ecolóxica. Per un sitiu, publica conteníu sobro güertos nel suelu o bancales elevaos. «Tratu d’enseñar el procesu de cultivu, les distancies de llantadera, les necesidaes de les plantes, los climes…», detalla. De la mesma manera, cuenta con una sección destinada a aquelles persones que nun tienen la suerte o nun quieren cultivar nel suelu. «Enseñó cómo puede esperimentase na mesma cocina faciendo, por casu, granar un aguacate, una grana d’almendra, una nuez…».
Tamién amuesa cómo ellabora los fertilizantes y pesticides y los beneficios qu’estos reporten. «Son fechos a nivel ecolóxicu, y munches vegaes con coses que podemos tener a mano como pueden ser les ortigues, que nos dexen retener plagues o combatir hongos de forma efectiva y natural», detalla Toni. Amás, pública vídeos sobro la biodiversidá o flores arumoses, amás d’esplicar cómo empezar a tener pites, daqué que tamién-y apasiona.
Toni na so güerta de Les Regueres
De toos ellos, los que más *visualizaciones atropen son los rellacionaos colos fertilizantes caseros, como pue ser l’humus de merucu. Tamién aquellos vídeos nos que Toni Jardón esplica cómo granar una grana o faer una frada cunten con millones de reproducciones. «Apocayá xubí cómo realizar una frada de llimonal y funcionó perbién, porque nun precises tener una güerta sinón una caña y esperimentar con ella pa sacar una nueva planta», asegura, antes de resaltar que, «cuanto más xeneralista’l vídeu, más trunfa».
