Publicado en Aniversarios

El 7 de payares de 1867 naz Marie Curie

«Nada nesti mundu tien de ser tarrecíu, namá entendíu»
El 7 de payares de 1867 naz Marie Curie, una muyer que dedicó tola so vida a la ciencia. Les sos investigaciones valiéron-y el Premio Nobel en dos causes. Tamién la enfermedá qu’acabó cola so vida.
Los sos llibros, cuadiernos, trabayos y notes, según el so cadabre, tán protexíos en caxes forraes de chombu por considerase altamente radiactivos .
Llicenciada en física y matemátiques gracies al pactu de dames’ que contraxera cola so hermana, Marie Curie convirtióse, a principios del sieglu XX, na primer muyer na hestoria en recibir un premiu Nobel. El de física compartidu col so home Pierre Curie, pero unos años más tarde, en 1911, recibiría de nuevu la máxima reconocencia de l’Academia sueca, col premiu Nobel de Física. Foi la primer persona en recibir dos Premios Nobel en distintes especialidaes, Física (1903) y Química (1911), y la primer muyer n’ocupar el puestu de profesora na Universidá de París.
A pesar de que la so madre nun llegaría a verlo, Irène Joliot Curie, la fía mayor del matrimoniu, tamién foi galardonada col premiu Nobel de Química tan solo un añu más tarde de la muerte de Marie. Dende moza, Irène amosárase interesada pol trabayu de la so madre y llegaron a trabayar xuntes mientres un tiempu. Esta fotografía foi tomada’l 20 d’abril de 1927 en París.

Autor:

Maestra de Llingua Asturiana Colexu Carmen Ruiz-Tilve - Uviéu