Gala solidaria en Pumarín pa celebrar l’aniversariu de l’asociación. Foi va 15 años cuando decidieron ponese una nariz colorada de payasu y dibuxar sorrises col nome de Clowntigo, recuerda Fran García-Bernardo, coordinador de Clowntigo.
Ehí entamó’l viaxe, sumando más narices coloraes hasta les 19 actuales percorriendo tamién centros de día, residencies de mayores, colexos, formándose nel difícil arte de la risa, pero tamién na necesaria ciencia de la sensibilidá, señala Susana Carnero, integrante de Clowntigo. Porque cuando Tiritina, Presbicio o Verbena quiten la nariz colorada conviértense en Borja, Edu, Ángela énte l’espeyu d’una dura realidá, qu’alcuentren tantes vegaes.
«El destín ye sabiu, sabe bien a quien ponete nel camín, yá sía por que se quede contigo, o por que te dexe una gran llección». El Sombrereru (Alicia nel País de les Maravíes).
Güei ye un bon día para los amantes del llibru «Alicia nel País de les maravíes» yá que celebramos el Día del Sombrereru Llocu. Na ilustración orixinal de John Tenniel el so sombreru lleva un cartelu que pon «In this style 10/6». Los númberos correspuenden al preciu d’ese modelo, pero escoyóse esa fecha para homenaxar a esti llocu personaxe (6 d’ochobre). A éstes Lewis Carroll llamó-y Sombrereru, nunca El Sombrereru Llocu”.
Matilda ye unu de los llibros más famosos de Roald Dahl (1916-1990)
El 1 d’ochobre ye la celebración mundial del aniversariu de Matilda, una adelantrada al so tiempu: una moza fuerte y llista que s’enfrenta a la inxusticia. La hestoria de Matilda demuestra la necesidá de defender lo que consideramos correctu y enséñanos que, inclusive cuando te sientes pequenu ya impotente, puedes enfrentate a circunstancies difíciles y, n’efectu, escribir la to propia hestoria.
El personaxe de Matilda representa la valentía, la resiliencia, el poder interior, l’amistá, el trunfu de los mozos, la autoexpresión, el defender lo que se piensa y l’amor polos llibros.
El llibru publicose por primer vegada en Londres el 1 d’ochobre de 1988, por Jonathan Cape, con ilustraciones de Quentin Blake y vendió 17 millones de copies en tol mundu. Primeres páxines…
«Si pienses llegar a dalguna parte na vida,
tienes que lleer munchos llibros». Roald Dahl
«Los llibros tresportábenla a nuevos mundos
y amosáben-y personaxes estraordinarios
que vivíen unes vides escitantes». Matilda, de Roald Dahl.
Un 9 de Febreru de 1944 nacía Alice Malsenior Walker poeta y novelista afroamericana y feminista ganadora del Premiu Pulitzer a la obra de ficción en 1983, pola novela «El color púrpura».
La poesía ye l’alma de la rebelión,
la revolución y l’elevación de la conciencia
Un día como güei de 1929 apaecía per primer vegada Tintín, el famosu personaxe d’Hergé.
Tintín ye un personaxe d’historieta creáu pol dibuxante belga Hergé, protagonista de la serie Les aventures de Tintín. Les sos aventures empezar a publicase por fascículos na revista Le Petit Vingtième en 1929.
Con motivu del aniversariu doble d’El Principín, 80 años de la primer edición y 40 de la publicación n’asturianu, inauguramos el día 12 del mes qu’entra na sala 3 del CCAI una esposición dedicada a esta obra.
En xunu de 2006 empieza la emisión regular de los programes informativos TPA Noticies y TPA Deportes, nes sos ediciones de llunes a vienres y fin de selmana, a les a 20:30.
«Nada nesti mundu tien de ser tarrecíu, namá entendíu»
Güei, fai cien años, dexábanos Gianni Rodari. Periodista, escritor, militante políticu, maestru y pedagogu, toes estes actividaes les ultilízales Gianni Rodari para aguiyar y provocar nos neños la entrada nun mundu d’imaxinación creadora.
En 1973, cuando bien poca xente falaba nel nuesu país d’animar a lleer “con sentíu” salía a la lluz “Gramática de la Fantasia: introducción al arte d’inventar hestoria” una especie de “biblia” dende entós para bibliotecarios, bibliotecaries, docentes, contadores, educadores, families…., nel que vais atopar munches suxerencies para potenciar la imaxinación y la creatividá en neños y neñes y col qu’aprendimos el fabulosu “binomiu fantásticu”, una ferramienta de mano a inventar hestories.
Los esfuerzos y la dedicación a la lliteratura infantil de Rodari tuvieron pagu en 1970, cuando llogró’l Premiu H. Christian Andersen, el mayor galardón internacional para un escritor del xéneru.
Los sos llibros, cargaos d’humor, imaxinación y una fantasía desbordante, nun escaparon a una crítica del mundu actual con un llinguaxe bien pintorescu, bonal y n’ocasiones comprometíu.
