Publicado en Aniversarios, Cultura

Aniversariu de Gianni Rodari

 

     

Güei, fai cien años, dexábanos Gianni Rodari. Periodista, escritor, militante políticu, maestru y pedagogu, toes estes actividaes les ultilízales Gianni Rodari para aguiyar y provocar nos neños la entrada nun mundu d’imaxinación creadora.

En 1973, cuando bien poca xente falaba nel nuesu país d’animar a lleer “con sentíu” salía a la lluz “Gramática de la Fantasia: introducción al arte d’inventar hestoria” una especie de “biblia” dende entós para bibliotecarios, bibliotecaries, docentes, contadores, educadores, families…., nel que vais atopar munches suxerencies para potenciar la imaxinación y la creatividá en neños y neñes y col qu’aprendimos el fabulosu “binomiu fantásticu”, una ferramienta de mano a inventar hestories.

Los esfuerzos y la dedicación a la lliteratura infantil de Rodari tuvieron pagu en 1970, cuando llogró’l Premiu H. Christian Andersen, el mayor galardón internacional para un escritor del xéneru.

Los sos llibros, cargaos d’humor, imaxinación y una fantasía desbordante, nun escaparon a una crítica del mundu actual con un llinguaxe bien pintorescu, bonal y n’ocasiones comprometíu.

Beatriz Montero cúntanos “Unu y siete” de la serie “Cuentos per teléfonu”. Gracies!

¿Merez la pena qu’un neñu aprienda llorando lo que puede aprender riendo?

 

 “Quixera que toos lleeren nun para volvese lliteratos o poetes, sinón por que naide sía exclavo”

 

Amplía

“Creo que los cuentos de faes, los vieyos y los nuevos, pueden ayudar a educar la mente. El cuentu de faes ye’l llugar de toles hipótesis”

 

 

Autor:

Maestra de Llingua Asturiana Colexu Carmen Ruiz-Tilve - Uviéu