Home o muyer, blancu o negru, toos queremos y precisamos respetu. Ye’l nuesu derechu humanu fundamental
(Aretha’s Original Version)» frameborder=»0″ allow=»accelerometer; autoplay; clipboard-write; encrypted-media; gyroscope; picture-in-picture; web-share» allowfullscreen /iframe]
L’artista, que se convertiría nun iconu de la hestoria del Soul, nació en Memphis en 1942, nel senu d’una familia afroamericana compuesta por un popular reverendu y una cantante de gospel.
Foi precisamente nel coru de la ilesia del so padre onde Aretha empezaría a cantar xuntu coles sos hermanes. Tamién nesta redolada familiar sería onde entraría en contactu col movimientu de los derechos civiles.
Los sos raigaños gospel marcaron los entamos d’una carrera esitosa qu’empezó en 1956 y que solmenaría’l panorama musical de los 60, reportándo-y un total de 18 premios Grammy y 10 millones de discos vendíos. Rápido convirtióse nun iconu de la comunidá afroamericana, con cantares que conteníen mensaxes de gran reivindicación feminista y de llucha polos derechos civiles. Ente los sos clásicos atopamos temes como Spanish Harlem, (You make me feel like) A Natural woman, Say a Little prayer o Respect. Precisamente, Respect transpiraba un reclamu feminista que lu convertiría nun himnu de la llucha polos derechos de les muyeres.
Dende la UNESCO, vamos recordala siempres pol so gran contribución al mundu de la cultura, ferramienta que lu sirvió pa lluchar pol respetu de los derechos humanos pa llograr un mundu más xustu.
