Faémos-y esta entruga al robot conversacional de moda. Pero ChatGPT nun sabe qu’un pedacin de la reconocencia qu’otorga añalmente la FundéuRAE ye para él. Y para Siri y Alexa, que tampoco supieron predicilo. Esti 2022, la espresión intelixencia artificial álzase col títulu de palabra del añu.
En 2020 y en 2021, hubo una tema que clisó tolos demás. Les candidates a palabra del añu y los ganadores enfocaronse nel asuntu que tenía paralizáu al mundu: la pandemia. Confinamientu (2020) y vacuna (2021) representen un periodu nel qu’el coronavirus centraba l’atención de toos. La incertidume y les duldes sobro’l futuru convivieron con nós, y entá siguen acesmándonos tres dalguna esquina. Por suerte y por desgracia, en 2022 llegaron otres temes: falamos de guerra, d’emerxencia climática, d’inflación, de tecnoloxía. El futuru volvió abrise énte nós. Y poques coses representen tantu’l futuru (y el presente) como estes dos palabres que se refieren a un únicu conceutu: intelixencia artificial.
‘la [intelixencia] atribuyida a les máquines capaces de faer operaciones propies de los seres intelixentes’
Esta espresión naz a mediaos de los años 50, acuñada pol célebre informáticu estadounidense John McCarthy. El diccionariu académicu recueye per primer vegada nel añu 1992 y defini como ‘la [intelixencia] atribuyida a les máquines capaces de faer operaciones propies de los seres intelixentes’. Esta definición modificóse darréu nel añu 2001 y, nel 2014, rexistróse la que se caltien na versión actual: ‘disciplina científica que s’ocupa de crear programes informáticos qu’executen operaciones comparables a les que realiza la mente humana, como l’aprendizaxe o’l razonamientu lóxicu’.
Al igual qu’el so significáu foise afaciendo nel diccionariu col pasu del tiempu, tamién lo fixo la so presencia na nuesa redolada. Empezó siendo xuna tecnoloxía reservada al campu de la informática; pa la xente d’a pies, casi un simple recursu de les películes de ciencia ficción nes que robots malinos trataben d’apoderar a los humanos. Güei, la cantidá d’ámbitos que lu empleguen creció esponencialmente, yá sía pa facilitar l’analís de datos o pa l’automatización de procesos: la ciberseguridá, les finances, l’entretenimientu, el marketing…
Como cada añu, la elección de la palabra del añu de la FundéuRAE basose en dos pilastres. El primeru d’ellos ye la presencia d’esi términu nos medios de comunicación. La intelixencia artificial nun ye un conceutu nuevu, pero sí aceleráronse les noticies rellacionaes con ella. Dende los progresos por perfeccionar los vehículos autónomos hasta la creación de plataformes qu’ellaboren xuna ilustración nueva a partir d’otres yá esistentes o de noveles escrites dafechu por máquines. La postrera gran novedá llegó fai solo xunas poques selmanes, cola nacencia de ChatGPT, que desamarró xuna fola d’interés ente los usuarios.
Sicasí, non solo les noticies sobro les sos meyores fueron les protagonistes estos meses. De forma paralela, cobró fuerza un alderique recurrente: ¿hasta qué puntu la intelixencia artificial pon en riesgu’l trabayu humanu? Les duldes sobro si ciertos empleos cuerren peligru foi unu de les temes más aldericaes. Los profesionales d’esta tecnoloxía aportunen en que ye útil pa l’automatización de procesos y p’ayudar en ciertes xeres, pero que’l componente creativu ye daqué esclusivu de los humanos. El futuru entá nun ta escritu y l’alderique sigue abiertu, anque ye imposible de resolver nel presente.
La segunda pilastra que lleva a la elección de la palabra del añu ye’l so interés llingüísticu. La construcción intelixencia artificial xeneró duldes ente los falantes y nos medios de comunicación, y ye habitual atopala escrita con mayúscules iniciales. Na FundéuRAE dedicámoslu xuna encamientu, na qu’esplicamos que se trata d’una denominación común y, poro, lo fayadizo ye escribila con minúscules. Sicasí, la sigla IA sí escribise con mayúscula, y resulta preferible a la inglesa AI (d’artificial intelligence).
Igualmente, nun hai qu’escaecer la fuerte conexón ente intelixencia artificial y llinguaxe. Falamos con Siri y con Alexa, pidímoslos qu’enciendan les lluces o que nos traduzan xuna palabra. Pidimos ayuda a los robots conversacionales por que nos empobinen mientres el procesu de compra o charramos con ellos por pura diversión. Enseñamos español a les máquines pa poder comunicanos con elles, y eso supon un retu al que s’enfrenta güei el campu de la llingüística.
