- Fonte: Valle de Laciana
Valle de L.laciana-L.leitariegos empecipia la campaña d’esquí esti miércoles. Va ufiertar casi 4 kilómetros de pistes con espesures d’ente 20 y 70 centímetros de nieve polvo-dura.
Les estaciones d’esquí de L.laciana-L.leitariegos y San Isidro van empecipiar la temporada esti miércoles día 10 con más de 10 kilómetros de pistes arteres para la práctica del deporte blanco, siempres que les condiciones meteorolóxiques dexen. Asina lo confirmó a primer hora de la tarde d’esti llunes el responsable de la área de Turismu na institución provincial, Octavio González, qu’añedió que les instalaciones pusiéronse en marcha en cuanto foi posible, dempués d’un intensu llabor desenvueltu nos últimos díes polos sos responsables y trabayadores.
Gracies a les precipitaciones cayíes nos últimos díes y a los refuerzos con nieve artificial, la estación de Valle de L.laciana-L.leitariegos va ufiertar, finalmente, dende esti miércoles, anque en principiu embaraxárase la posibilidá de qu’abriera’l martes, casi 4 kilómetros de pistes con espesures d’ente 20 y 70 centímetros de nieve polvo-dura.
