Casa de l’Agua en Sobrescobiu (Casu)

Conoz la hestoria de los usos de l’agua y la so influencia na naturaleza de Sobrescobiu y el Parque Natural de Redes.

Ruseco acueye les instalaciones de la Casa de l’Agua, un centru para afayar la hestoria de los usos de l’agua y concenciar sobro la so importancia como’l más pervalible de los recursos naturales. Alluga nel so interior dalgunos de los conteníos del pabellón d’España na Expo de Zaragoza 2008, dedicada íntegramente a l’agua, amás d’audiovisuales y interactivos qu’amuesen la riqueza y variedá del paisaxe qu’arriquez l’agua de los ríos d’España y sobremanera de la redolada del Parque Natural de Redes.

Esplícase tamién de manera amena los progresos tecnolóxicos consiguíos pa faer un usu más eficiente de los recursos hídricos siempres respetando’l mediu ambiente.

Nel esterior del edificiu, dedícase un espaciu a los inxenios qu’usaben l’agua como fuerza motriz, ente los qu’hai que destacar el molín hidráulicu, utilizáu pa llograr farina; y el mazapilas, qu’aprovechaba les corrientes d’agua qu’hai nes zones de campera p’axorizar animales como xabalíes, osos y llobos, y evitar asina que causaren dañu a les colleches y a la ganadería.