Na imaxen del satélite vese yá’l frente atlánticu
picando a la puerte de les costes gallegues.
picando a la puerte de les costes gallegues.
Alborecemos col cielu cubiertu por nubes baxes na metá norte d’Asturies, tando más escampláu pa la cordelera con unes temperatures que tan alrodiu de los 13ºC, rexistrándose nel puirtu Payares 9,2ºC.
Güei la llegada d’un frente altánticu a últimes hores del día va dexanos precipitaciones que sedrán más abondoses na fastera ocidental asturiana, siendo febles ya ocasionales na oriental. Durante’l día les nubes baxes de l’alborada tenderán a dixebrase, abriéndose dellos claros con unes temperatures que van caltenese suaves , amás l’aire sedrá sele ya variable.
Mañana sábadu’l tiempu seguirá dalgo inestable pero malpenes tendremos precipitaciones, sicasí dalguna gotera pela mañana, l’aire seguirá siendo sele ya variable y les temperatures descenderán llixeramente.
El domingu la inestabilidá sedrá mayor con xarabatos intermitentes , temperatures en descensu y vientu gallegu fuerte en zones altes ya en puntos del llitoral, siendo los xarabatos más probables a primeres y últimes hores.
La selmana viniente l’ambiente va tar chornosu con munches nubes pero malpenes precipitaciones, pero esto yá lu diremos viendo.
