👇🏻El montaxe amuesa’l mitu “ensin edulcorar”: el famosu catálogu qu’esbilla Leporello nun va ser una llista de conquistes sinón de presuntos abusos; va quitase’l disfraz al engañador y va ponese el focu na posición de la muyer.
La Ópera d’Uviéu presenta la obra maestra de Mozart dende’l puntu de vista de les muyeres protagonistes, víctimes del llibertín, nun exerciciu de sororidad comandado pola directora d’escena Marta Eguilior y la maestra Elena Mitrevska. Esta va ser la cuarta ocasión en que Don Juan s’apaeza na temporada uvieina. Nun llegó hasta 1996 y darréu xubiría de nuevu a les tables del Campoamor en 2009 y 2014