Publicado en Anunciu, TV

Asturies ye protagonista del anunciu de la Loteria de Navidá 2022

Unu de los anuncios más esperaos del añu, el qu’anuncia’l sortéu estraordinariu del 22 d’avientu, ye dicir la Llotería de Navidá, yá ta equí. Anguaño, ye bien especial para los asturianos, pos la nuesa tierra amuesa tol so potencial y guapura na publicidá, apaeciendo hasta cuatro conceyos.

Avilés, Siero, Somiedu y Castrillón fueron los conceyos escoyíos pola axencia encargada de rodar el spot, Contrapuntu BBD. En total, participaron alredor d’unes 60 persones nel rodaxe y dalgunos de los escenarios reconocibles na pantalla guo la tabierna «Rede Castle» de Salinas; el polígonu industrial «Principáu d’Asturies» de Siero, el Parque Natural de Somiedu y delles localizaciones d’Avilés.

Una vegada más, los audiovisuales rindense a la guapura de la nuesa tierra, nesta ocasión con un anunciu que quier amosar que detrás del famosu sortéu asoceden cientos d’hestories estraordinaries, como los trés que narren nel anunciu.

Diz Gonzalo Urriza, director creativu de Contrapuntu BBDO, la firma que dio forma al anunciu de la Llotería de Navidá d’anguaño, que teníen en mente «histories estraordinaries» llenes de valores como «l’amistá, la tradición y la solidaridá» y que tou eso, grabáu con un puntu cinematográficu qu’enllenara d’emoción el relatu, teníase que consiguir en bien pocos díes.

«Había qu’optimizar el tiempu al máximu, d’ende que, poles necesidaes de les hestories, escoyérase parte del norte d’España onde s’atopaben toles localizaciones necesaries», espliquen. Y ende entra Asturies. Una rexón que, como bien fixo valir l’espertu llaniscu, David Bolado, xefe de localizaciones del proyectu, daba múltiples posibilidaes de rodaxe en pocos kilómetros de percorríu: dende ambientes bien rurales de monte, a redolaes de pueblos que destilen encantu, mariña con faros y otres postales siempres bienveníes para una puesta n’escena como la llotería de Navidá. «Evidentemente soi asturianu y tiru de la mio tierra, pero ye qu’Asturies ye un plató natural de luxu. Hai mariña, altu monte, zones industriales… Amás, ye prácticu porque non te obliga a grandes desplazamientos para camudar d’un sitiu a otru, daqué bien importante cuando hai que mover a un equipu ampliu. Y tou fueron facilidaes», cuntó Bolado a LA NUEVA ESPAÑA’l mesmu día en que se desvelaron los anuncios.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *