Publicado en Curiosidaes, NATURA

Orangután ponse unes gafes de sol que perdió una visitante

Lo que vivió Lola Testu apocayá nun zoolóxicu d’Indonesia, ensin dulda va ser unu que nunca va escaecer. Y ye que non solo pudo apreciar a una ma orangután al pie de la so cría nel parque Taman Safari en Bogor. Si non que tamién, pudo reparar en primer fila como esti orangután xugaba coles sos gafes de sol. Ver el graciosu vídeu d’esta ma orangután xugando coles gafes de sol

Los orangutanes son unos simios grandes que se caractericen pro la so enorme intelixencia y polos fuertes llazos que tienen coles sos críes. Estos mamíferos nos sos hábitats naturales son capaces de fabricar y utilizar distintos tipos de ferramientes sofisticaes, de la mesma que tamién demuestren una almirable maña al momentu de construyir niales. Aliméntense principalmente de fruta, estos seres vivos  atópense en cantu de la estinción. La caza furtiva, la destrucción del so hábitat, y el comerciu illegal de mascotes exótiques menguó drásticamente la so población n’Indonesia y Malaisia.

Nun hai munchos d’estos primates en cautiveriu, y los que tán, ye por que fueron rescataos en distintos contestos. Como probablemente va ser el casu de la ma orangután que recibió del cielu les gafes… Esta simia que darréu tomó eses gafes de sol para atopar la so utilidá al traviés de xuegos. Nun minutu púsoles na boca, como si fora comeles, esmoleciendo a la usuaria de TikTok. Sicasí, solo bastaron unos pocos minutos por que-y les afixera nel llugar correctu, nos sos güeyos y enriba de la ponte de la ñariz.

Tuvo posando mientres una ratada coles gafes de sol puestes, hasta que decidió mirar al traviés d’elles pel llau opuestu. Nesi intre, la so cría intentó garrar les gafes de sol, pero la so madre aína llamó-y l’atención y fixo que se alloñara. Tuvo dellos minutos más xugando coles gafes de sol hasta que s’aburrió y refundioles fora de la cortil.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *