Wolfy, el perru surferu: «Gústa-y xugar coles foles, va encantáu, salióme bien acuáticu»
José Mendiola participa cola so mascota esta fin de selmana en el Campeonatu Européu de Surf para perros.
- Fonte: La Voz / El Comercio / semeyes /
- European Dingonatura Surf Dog /
Nun se sabe si va ser l’únicu en Galicia, pero en concencia ye’l más apurríu. Wolfy, el fiel amigu de José Mendiola, ye unu de los participantes esta fin de selmana en el Campeonatu Européu de Surf para perros que se celebra en Salinas (Asturies). Ellí fuéronse los dos, cola tabla, esi elementu que-yos fixo vivir tan bonos momentos xuntos.
El surf llegó a la vida de José Mendiola muncho primero que Wolfy. «Soi de la tercer xeneración de la sablera de Coríos —cunta—, empecé a faer surf nel 87». Esti vigués, llicenciáu en Psicoloxía, trabayó en centros de menores y con inmigrantes; ya inclusive llegó a montar un pequenu club de surf en Santa María d’Oia. Un día, nel 2015, recoyendo les tables rompió una correa y cayó al puertu, nun grave accidente. «Pensaben que me morría, tuvi cuarenta díes en coma cola cabeza rota. Inclusive me sacaron un pocu de celebru, lo que me causó una epilepsia».
«Al perru nun se-y puede forzar, tien que prestase»
Manuel Calvo ye’l presidente de la Fundación Dingonatura y la mente inquieta que ta detrás del Campeonatu Européu de Surf para Perros. «La idea surdió —esplica— pol enfotu de practicar deporte en compañía de los nuesos perros, una idea que nos interesa enforma porque un perru que fai deporte ye un perru más equilibráu, más educáu, llogra una meyor compenetración col so dueñu y, poro, hai menos problemes de mal comportamientu y abandonos».
.jpg)
