Publicado en Menús, Uviéu

Menú de l’Ascensión

Dientro de la programación festiva qu’entama’l Excelentísimu Ayuntamientu d’Uviéu para la Feria de l’Ascensión, Otea propón la celebración de les Xornaes Gastronómiques del Menú de L’Ascensión.

Consiste nun primer platu de menestra de temporada, siguíu d’un segundu que recueye’l saber de la tradición guisandera uvieina: la carne gobernada al estilu d’Uviéu. Y para rematar un dulce, la tarta de quesu con cereza.

La Fiesta Gastronómica celébrase’l 13 de mayu na ciudá Uviéu y enllargase a los díes 14,15 y 16 de mayu (Domingo de L’Ascensión).


Tien el so orixe nun mercáu de ganáu que se desenvolvía na ciudá dende fai más de 200 años. Uviéu caltien esa tradición centenaria, que recuerda cuando celebraba les sos grandes feries de ganáu y daba de comer a los centenares de llabradores que veníen a la capital para faer les sos transacciones de ganáu.

L’Ascensión, la fiesta del campu na ciudá cola qu’Uviéu rinde homenaxe a los homes y muyeres de la zona rural vuelve los díes 14, 15 y 16 de mayu. Esta celebración remóntase, siquier, al sieglu XVI fecha na que se documenten grandes certames ganaderos na capital.

Anguaño, vamos poder esfrutar nel Recintu Ferial de La Llosa d’artesanía d´Asturies, y carpes temátiques d’alimentación, . Tamién va haber música (tonada, bandes de gaites, grupos folclóricos) y mercadín.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *