Josefina Llagares afirma que l’animales yá fixo dos visites nesti 2021
Josefina Lagares Amor ye la propietaria de Delicies de Taramundi, un establecimientu nesti conceyu del Occidente asturianu onde adquirir productos locales y, sobromanera, el so afamáu miel de collecha propia; Miel del Brusquete, ellaborada con flor d’uz que se llogra nos montes de Vilanova d’Ozcos. Ellí dispon d’una esplotación apícola con unes 70 truébanos n’unos terrenales qu’heredó de los sos antepasaos.
Dende va unos años, puntualmente, el colmenar recibe la visita de siquier un osu, que provoca importantes estroces y confirma que s’estienden cada vez más , probablemente dende conceyos onde hai poblaciones d’osos como Cangas, Degaña o Ibias. Tamién va unos díes informaara de qu’un osu estrozara casi 30 truébanos nel conceyu lucense d’A Fonsagrada.
La esplotación de Brusquete atopase n’una de les rutes de senderismu más populares, formoses y allegaes de los Oscos, la del silenciu, que s’empecipia y termina nel pueblu de San Cristóbal, percorriendo a lo llargo de 13 kilómetros espectaculares montes autóctonos y un ecosistema de ribera pel ríu Ahío que fai que’l caminante recule nel tiempu por un paisaxe qu’eslluma pola so intensidá, vistes y coloríu.
N’El Brusquete ta’l colmenar de Josefina Lagares, col qu’un osu cebase dende va años. En 2021 yá-y fixo dos visites, a finales de febreru y en marzu. Nestes ocasiones foi inclusive grabáu, porque arriendes de un robu instalaron un sistema de vixilancia y grabación con videocámaras. Y en les imaxes vese al osu, un exemplar adultu, rompiendo dellos truébanos ya inclusive averase y cutir una de les cámares, cuenta Josefina. «Lleva viniendo pellí dende va años. L’añu pasáu cuatro veces, en marzu, mayu, xunu y entre setiembre y ochobre. Piensu ye’l mesmu osu, pero non puedo aseguralo, lo que ta claro ye que sabe del sitiu», señala.
Na esplotación trabaya un operario, pero l’osu siempres allega peles nueches, cuando nun hai naide. Ye otra de les constantes: «el 28 de febreru cerré la tienda de Taramundi a les siete de tarde. Fui a Brusquete con una amiga y colamos de la esplotación a les nueve y media de la nueche. L’osu apaeció a les once y media, porque quedó grabáu», apunta la propietaria de Delicies de Taramundi.
Esplica que na actualidá tien 70 truébanos y que la so intención sería tener más, pero l’osu ataya los sos planes: «Tenemos xuna collecha amenorgada. L’añu pasáu foi d’ente 600 y 700 quilos, cuando tendríamos de coyer mil y picu si non fora pol osu».
El colmenar yá yera esplotáu pol padre de Josefina, como afición. Ella dio’l pasu d’amplialo pa producir pa comercializar. Dende entós tuvo que cerralo con alambre d’espín, instalar cámares y tamién una llendadora alimentada por plaques solares. Pel momento paez surtir efectu, porque atoparon xunas buelgues que podríen ser del osu, pero nun llegó a entrar.
Cada truébanu tien un preciu que ronda los 200 euros. Nos postreros trés años Josefina Llagares solicitó compensaciones al Principáu polos daños sufiertos, ensin que pel momento tuviera respuesta.
Tres el recién ataque d’un osu a una muyer de 75 años en Cangas, dicen nun tener mieu: «Pel momento non, esti osu va a lo suyo», apunta Josefina, anque reconoz que se trata d’un exemplar «bien grande, enorme». Y nun refuga que sía’l que se vio por A Fonsagrada: «Al meyor foi dende dende equí porque nun s’atrevía a entrar pol pastor. Veremos ver si da resultancia».
