L’únicu llugar del mundu onde s’echa la sidra ye n’Asturies, por eso Uviéu non yá ye la capital del paraísu natural sinón tamién la capital de la sidra. Para vivir una esperiencia turística auténtica cuando vas a Uviéu tienes que visitar el conocíu “Bulevar de la Sidra”.
El 3 de xunu, Día Internacional de la Sidra
Esta fecha simboliza’l principiu de la temporada de sidra a nivel mundial. Y para terminar la fin de selmana, el 4 de xunu desenvuélvese la “Preba de la Sidra”, pistoletazu de salida de la temporada de terraces y del consumu de sidra na cai.
Nesta Fiesta d’Interés Rexonal, tol mundu ta convidáu a participar, solo hai que mercar una entrada (qu’inclúi un pañuelu y un vasu de sidra) y parase nos distintos puestos, tantes vegaes como se quiera, a probar los distintos “palos” de la sidra, y formar parte de la decisión final sobro cuál ye’l meyor, arrodiaos d’un ambiente festivo inigualable.
