Publicado en NATURA

Topen una nueva especie de dinosauriu depredador en forma de páxaru

Un nuevu dinosauriu paecíu a un páxaru qu’usó la fuerza bruto para vencer a les sos preses, foi atopáu por paleontólogos que peñen los fósiles atopaos na Isla de Wight (Inglaterra). Vectiraptor greeni: semeyes

El nuevu animal foi nomáu Vectiraptor greeni n’honor al coleccionista local Mick Green, quien afayó los sos güesos dempués de que fueron abasnaos de les roques na mariña sur de la isla.

Yera un pariente más antiguu, más pesáu, del depredador Velociraptor. L’animal tenía aprosimao’l tamañu d’un llobu, alredor de 3 metros de llongura dende la ñariz hasta la cola, y usaría enormes garres cortantes nos sos pies para espachar a la so presa. Los sos dientes finamente dentaos usábense para morder cachos d’otros animales cuando cazaben.

El dinosauriu viviría polos montes que cubríen la tierra nel Cretácicu Inferior, fai 125 millones d’años. Morrió y permaneció soterráu hasta l’añu 2004, cuando les nubes y les foles erosionaron les roques que caltuvieren los sos güesos ocultos.

Tuvieron que pasar otros 20 años primero que científicos de les Universidaes de Bath y Portsmouth estudiaren los fósiles y fixeren l’afayu de que los güesos representaben una nueva especie. El so descubrimientu describise na revista Cretaceous Research.

Dinosaurios como aves

Vectiraptor pertenecía a un grupu de dinosaurios llamaos dromeosáuridos o rapazos. Estos dinosaurios paecíos a aves yeren cazadores especializaos y, al igual que los sos parientes aviares modernos, taben cubiertos de plumes. Los sos quexales taben llenes de dientes dentaos en forma de cuchiella y teníen enormes garres en forma de gadaña nos sos pies, qu’usaben para cortar a la so presa, faciendo que se sangrara rápido.

El doctor Nick Longrich, quien dirixió l’estudiu del Centru Milner para la Evolución de la Universidá de Bath. «Los güesos son de parés grueses y masivos. Claramente nun cazaba preses pequenes, sinón animales tan grandes o más grandes qu’él».

Esta ye la primer vegada que s’atopa una gran rapaz nel Reinu Uníu. Tamién s’atoparon rapazos estrechamente rellacionaes con Velociraptor en Mongolia. Créese que’l fechu de que s’atopen tantos fósiles na zona debese a que la pequena isla y el continente européu yeren llugar de camín de los dinosaurios.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *