Publicado en Curiosidaes, NATURA

El ciclu de vida polimórficu de les aguamales dexará-yos sobrevivir a la crisis climática

La estratexa de metamorfosis submarina ayudó a les aguamales a afaese mientres más de 600 millones d’años.

  • Aguamales del Mediterráneo o del huevo frito / meduses: semeyes / info /

Les aguamales (meduses) nun tienen celebru. Tampoco corazón, nin sistema dixestivu. Sicasí, a diferencia d’otros organismos marinos más complexos, son increíblemente adaptables a la so redolada. Inclusive na actualidá, cola creciente acidificación de los océanos, una especie mediterránea paez nun sentir los cambeos nel mediu ambiente. A diferencia d’otros animales, la Cotylorhiza tuberculata conserva’l so estilu de vida casi intactu, ensin inmutase.

El comportamientu foi monitoreáu pol Institutu de Ciencies Marines d’Andalucía (ICMAN-CSIC), particularmente en términos de les nueves condiciones oceániques. Ente les alces corroyentes na temperatures de los mares y l’absorción de CO2, hai especies que nun llograron sigui-y el pasu a la crisis climática antropogénica. Ésti paez nun ser el casu de les aguamales mediterránees.

A diferencia d’otros animales marinos, la reproducción sexual de les aguamales nun camudó enforma, según l’artículu publicáu en PLoS ONE. La so dinámica poblacional caltiense igual, a pesar de los cambeos cada vez más aceleraos nel so ecosistema natural. Nin siquier la pesca industrial escesiva llogró baltar a la especie, que s’amosó costantemente tolerantes a les nueves condiciones:

“La dominancia dientro de la comunidá d’unos pocos organismos xeneralistas podría conducir a la proliferación d’otros más comenenciosos, como les aguamales. Por ello, estúdiase l’efectu conxuntu del calentamientu y l´acidificación sobro los organismos xelatinosos”, esplica Anxélica Enrique-Navarro, líder del proyectu d’investigación.

Pal estudiu, púsose a una amuesa de dellos exemplares de Cotylorhiza tuberculata a interactuar coles condiciones oceániques que los investigadores predicen pal añu 2100. A pesar de l’adversidá medioambiental, los especímenes recoyíos reproduxéronse de manera normal.

Enrique-Navarro y el so equipu atribúin esta resiliencia al ciclu de vida polimórfico que ciertes aguamales comparten. Nél, la especie alterna xuna fase sexual peláxica, na que los organismos tienen forma d’aguamala, y xuna fase asexual bentónica, en forma de pequenos pólipos milimétricos que viven fondiaos al substratu marín».

Esta estratexa d’adaptación dexa que los bárabos puedan persistir na redolada, anque tea arriquecíu con niveles de dióxidu de carbonu nocivu. Dempués de maurecer, lleven a cabu un procesu similar a la metamorfosis, nel que se converten finalmente n’aguamales adultes. Esta flexibilidá déxa-yos xuna tolerancia destacable ente otres especies marines, que promete ser a bien llargu plazu.

Finalmente, estos son dalgunos de los organismos más antiguos de la Tierra. Orixinalmente de la Era Primaria, dende fai más de 600 millones d’años, llograron sobrevivir a los cambeos sópitos nos mares. Podría ser qu’esta estratexa de cambéu de cuerpu sía la que-yos garantizara xuna presencia tan llonxeva nel nuesu planeta —muncho primero, y muncho depués, que los seres humanos.

 

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *