Publicado en Curiosidaes, NATURA

Este ye’l tiburón blancu más grande del mundu y mide casi 7 metros

Este ye’l tiburón blancu más grande del mundu: llámase Deep Blue y mide casi 7 metros.

El tiburón blancu más grande del mundu ye una fema llamada Deep Blue, mide casi siete metros y foi vista per última vegada en 2019.

El tiburón ye unu de los animales marinos más fascinantes. De toles especies, el tiburón blancu ye una de les más almiraes y estudiaes, y los sos exemplares son unos de los qu’algamen mayores dimensiones, tres el tiburón ballena y el tiburón pelegrín.

De tolos exemplares de tiburón blancu que fueron filmados o fotografiaos, el más grande ye una fema llamada Deep Blue. Calcúlase que tien alredor de 50 años y l’última vegada que foi vista midía más de seis metros de llargu.

La primer vegada que Deep Blue foi vista foi nel añu 2015 frente a la mariña occidental de Baxa California, en México. El biólogu Mauricio Fuexos Padilla taba barganal de la Isla de Guadalupe, un llugar nel que ye habitual ver tiburones blancos.

Pero atopose con una sorpresa inesperada: el mayor exemplar de tiburón blancu que viera enxamás. Grabó’l momentu y compartiolu en Facebook. El vídeu, que puedes ver sobro estes llínees, fíxose viral y dio la vuelta al mundu.

 

El so tamañu y característiques sosprendieron a los científicos. Y ye que, anque los tiburones blancos pueden llegar a midir más de seis metros, espertos como’l biólogu Christopher Lowe señalen que la mayoría nun suel superar los cuatro metros de llargor.

Amás, la so constitución tamién llamó l’atención de Lowe. En llugar de presentar la típica figura con forma de torpedu que tienen estos exemplares, Deep Blue llucía abondo más «atayante».

 

Dende entós nun volvimos tener noticies d’esti enorme exemplar de tiburón blancu hasta principios del añu 2019. Entós volvió ser vista por un grupu de submarinistes en Hawai, onde se taba alimentando del cadabre d’una ballena al pie de otros dos grandes femes de tiburón blancu.

Aquel avistamientu foi inda más especial, una y bones los submarinistes, ente los que s’atopaben los fotógrafos profesionales Kimberly Jeffries y Juan Oliphant, pudieron non solo fae-y impresionantes semeyes y grabala en vídeu, sinón tamién afalagala.
https://@www.instagram.com/p/BsttFK1B2pg/

Amás de resultar realmente almirables, los espertos señalen que los animales qu’algamen xunas dimensiones tan grandes tienen enforma qu’enseñar a los científicos, yá que-yos dexen estudiar la so dieta, la so adaptación y l’evolución de les sos característiques col pasu de los años.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *