Publicado en NATURA

Un adorable ñácaru elefante xira la so trompa como un helicópteru

Esti comportamientu, raru n’apariencia, podría ser la versión paquiderma de sentise «incómodu».

Tol mundu tien comportamientos inconscientes al sentise incómodu o inseguru. Delles persones bocexen, otres tásquense la cabeza o se tapen la cara. Dalgunes faen tou coles mesmes en momentos bien incómodos. Y resulta que los ñácaros elefantes tamién podríen tener comportamientos qu’indiquen inseguridá.

Pidimos a la esperta en conducta paquiderma y esploradora de National Geographic Dra. Joyce Poole qu’intentara esplicar lo que vemos nel vídeu. Nun email, díxonos: «[Esti comportamientu habitual] repara con más frecuencia nos elefantes qu’inda tán aprendiendo a controlar o usar les sos trompes».

Anque Poole alvierte d’intentar sacar demasiáu d’un solu vídeu, dixo que «a esta edá, podría ser un tipu de conducta de desplazamientu, yá que quería entrar nel revolcadero pero nun taba seguru de la dinámica social. Los elefantes realicen una serie de comportamientos que consisten en dar vueltes cola trompa o mover los pies cuando tán inseguros del siguiente pasu».

Asina que, anque nun podamos afirmar con certidume que l’animal sentíase incómodu, podemos siguir aprendiendo sobro esti paquidermu xuguetón.

 

Autor:

Maestra de Llingua Asturiana Colexu Carmen Ruiz-Tilve - Uviéu