Esperamos un día veraniegu n’Asturies. Vamos Amanecer posiblemente con dalguna nube baxa de poca importancia en delles zones, pero rápido van estenase dexando unos cielos prácticamente estenaos en tola rexón. Los vientos van ser fluexos pela mañana con enclín a afitase de nordeste na mariña pela tarde con dalguna qu’otra racha moderada. Les temperatures máximes van xubir ente 3 y 4 ºC nel interior, siendo l’ascensu daqué más llixeru na mariña (hasta 2 ºC más que’l xueves). A la fin del día, prevese la entrada de nubosidad baxa pola mariña que podría estendese siquier pola metá norte. Con estes nubes vamos amanecer el sábadu.
- Comoquier, a lo llargo de la mañana del sábadu la nubosidad va ser cada vez menos compacta polo que se van dir abriendo nuevamente grandes escamplaes, costar daqué más na mariña. Les temperatures van siguir xubiendo un pocu más polo que se van superar los 30 ºC en munches poblaciones asturianes.
- El domingu tamién va ser un día calorosu al igual que’l llunes. Los termómetros van empezar a baxar el martes y, sobremanera, el miércoles.
