- Alborecemos col cielu escampláu ya con unes temperatures que tan alrodiu de los 16ºC, rexistrándose nel puirtu Payares 14,3ºC.
- Güei vamos tener un día soleyeru y prestosu, sicasí al atapecer va dir entrando nubosidá estratificada pel llitoral pero que nun llegará a la metá sur d’Asturies con unes temperatures en moderáu ascensu, sobre too nel interior. L’aire sedrá del nordés sele en xeneral con dalguna racha moderada en zones del llitoral nes hores centrales del día.
- Mañana sábadu alboreceremos ente’l borrín y la nublina na metá norte d’Asturies, tando escampláu nel restu. Durante’l día dirán dixebrándose lo borrinos del alborecer ellí onde se presenten anque en zones del llitoral puen ser llocalmente persistentes dexándonos un día nublu y tristón con unes temperatures que medrarán abondu en zones del interior onde se puen sobrepasar los 30ºC a primera hora de la tarde. L’aire sedrá de componente norte nel llitoral y de sur nel interior sele en xeneral.
- El domingu vamos tener un día mui asemeyáu con muncho sol ya calor nel interior ya con nublines y borrinos pela costa y fastera central que dirán dixebrándose a lu llargu la mañana anque de nuevu puen ser persistentes llocalmente pela costa.
