- Alborecemos ente’l borrín y la nublina con unes temperatures que tan alrodiu de los 18ºC, rexistrándose nel puirtu Payares 12,4ºC.
- Güei pali que pali dirán dixebrándose les nubes baxes del alborecer pa dexanos un día soleyeru y perguapu, amás les tronaes van quedar al sur de la cordelera, sicasí na costa más ocidental les nubes baxes sedrán persistentes y de tarde dirán estendiéndose hasta’l cabu Peñes. Les temperatures ascenderán llixeramente y l’aire sedrá de componente norte sele en xeneral.
- Mañana domingu la nubosidá sedrá más abondosa y solo veremos el sol, ente les nubes, nes hores centrales del día cola posibilidá inclusu de dalgo d’orpín al alborecer con unes temperatures que camudarán poco o descenderán llixeramente.
- El llunes van caltenese les nubes y a partir del martes esfrutaremos d’una selmana braniega con muncho sol y temperatures altes anque llevaderes, sobre too pela costa y refrescando peles nueches.
