Esperamos intervalos nublos con momentos de grandes claros nel cielu mientres la mañana y primeres hores de la tarde. Conforme meyora la segunda parte del día vamos dir reparando como la nubosidad va dir aumentando pel sur y tamién pol oriente asturianu. Dirá estendiéndose por tola rexón anque, sía que non, nun llegaría al estremu más occidental del Principáu. Comoquier, nun se preven precipitaciones en nengún momentu de la xornada. Los vientos van soplar de componente oeste fluexos a moderaos nel interior y con daqué más fuertes na mariña. Estes raches van afloxar a última hora de la tarde o, a lo menos, cola llegada de la nueche.
Tocantes a les temperatures, prevese un ascensu d’hasta 2 o 3 ºC nel suroccidente y ensin cambeos nel restu del Principáu respecto al domingu. Les mínimes van baxar tanto nel interior central como nel oriente, calteniéndose ensin variación nel restu.
El martes esperen cielos soleyeros pela mañana anque con enclín a apaecer nubosidad pol lladral occidental mientres la segunda parte del día. Les temperatures máximu y mínimu, nesti casu, van xubir llixeramente en toa Asturies. El miércoles preve un descensu xeneralizáu acompañáu d’abondosu nubosidad y la posibilidá de delles precipitaciones.
